ភ្នំពេញ៖ យោងតាមគណនីហ្វេសប៊ុក មួយដែលមានឈ្មោះថា Eco Vaksong ដែលមានបងប្អូន និងប្រិយមិត្តមួយចំនួនបានស្គាល់ថា លោកជាអ្នកដឹកនាំសម្តែងប្រចាំនៅក្នុងផលិតកម្មហង្សមាស មួយរូបដ៏ល្បី កាលពីពេលថ្មីៗនេះ លោកត្រូវបានក្រុមគ្រូពេទ្យជំនាញបានបញ្ជាក់ថា លោកវិជ្ជមានជំងឺកូវីដ១៩ ។ចំពោះមូលហេតុ និងដំណើរដើមទងមុននិងចេញលទ្ធផលវិជ្ជមាននេះ លោកបានធ្វើការបង្ហាញតាមរយ:គណនីហ្វេសប៊ុករបស់លោកយ៉ាងដូច្នេះថា ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខ្ញុំបាទមកតេស្តរកមេរោគកូវិត១៩ ព្រោះខ្ញុំបានទាក់ទងដោយប្រយោលជាមួយបង ណុប បាយ៉ារិទ្ធ កាលពីថ្ងៃ៣ ឥឡូវនេះខ្ញុំមានអាការះ ក្អក ក្តៅខ្លួន ឈឺក ផ្តាសាយ ឈឺក្បាល អរគុណបងប្អូនទាំងអស់ដែលបានបារម្ភ និង សុំទោសផងដែលអត់បានលេីកឬឆ្លេីយតបទៅវិញ ការពារទាំងអស់គ្នា
បន្ទាប់ពីបានទាក់ទងដោយប្រយោលជាមួយលោក ណុប បាយ៉ារិទ្ធិ មិនទាន់បានប៉ុន្មានផង លោកក៏បានចេញមកបញ្ជាក់ម្តងទៀតនៅក្នុងគណនីហ្វេសប៊ុករបស់លោក បន្ទាប់ពីវិជ្ជមានកូវីដ១៩ យ៉ាងដូច្នេះថា៖
ជំរាបសួរពុកម៉ែបងប្អូនជាថ្មីម្តងទៀតខ្ញុំបាទបានធ្វេីតេស្តរកមេរោគ COVID-19 លទ្ធផលចេញមកគឺវិជ្ជាមាន(Positive) អរគុណសម្រាប់ការសួរសុខទុក្ខពេលនេះស្ថានភាពជំងឺរបស់ខ្ញុំក្រុមគ្រូពេទ្យជំនាញកំពុងព្យាបាលនិងតាមដានអរគុណជាពិសេសដល់គ្រួសារហង្សមាស គ្រុបដែលបានយកចិត្តទុកជួយសម្រួលក្នុងការមេីលថែទាំខ្ញុំបាទអរគុណលោកអគ្គនាយកអ៉ឹង សុងលាភអ្នកស្រីអ៉ឹង គីមលាង🙏❤️️ និងអរគុណបងស្រីចន ចាន់លក្ខិណាប្រធានសមាគមន៍សិល្ប:។ ជាចុងក្រោយសូមប្រជារដ្ឋទាំងអស់ចូលរួមការពារពាក់ម៉ាសលាងដៃ រក្សាគំលាតអោយបានត្រឹមត្រូវតាមក្រសួងសុខាភិបាលបានចេញសេចក្តីប្រកាស។ ខ្ញុំនិង Update ពីស្ថានភាពជំងឺរបស់ខ្ញុំនៅពេលក្រោយៗទៀតអរគុណ🙏❤️️
គួរបញ្ជាក់ផងដែរថា គិតមកត្រឹមពេលនេះ ករណីវិជ្ជមានកូវីដ១៩ នៅតែបន្តកើតមាននៅកម្ពុជា ដោយបានកើនឡើងដល់ទៅ ១១៦៣នាក់ ដែលក្នុងនោះមានករណីស្លាប់លើបុរសជនជាតិខ្មែរម្នាក់ដែលជាករណីស្លាប់ដំបូងបង្អស់នៅក្នុងព្រះរាជាណាចក្រកម្ពុជា៕
Bong I.T