Jennie ក្រុម BLACKPINK និង Naeun ក្រុម Apink មាន​ចំណុច​ស្រដៀង​គ្នា​អ្វីខ្លះ? (មានវីដេអូ)

កូរ៉េខាងត្បូង៖ Jennie ដែលជាសមាជិកនៃក្រុមនារី BLACKPINK នឹង Naeun ដែលជាសមាជិកនៃក្រុមនារី Apink ត្រូវបានគេលើកយកជាប្រធានបទដោយពួកគេទាំងពីរហាក់ដូចជាមានចំនុចស្រដៀងគ្នាជាច្រើនផងដែរ។ 

នៅថ្ងៃទី៥ ខែកុម្ភៈមានអ្នកលេងអ៊ីនធើណេតម្នាក់ បានបើកជាការជជែកវែកញែកមួយទាក់ទងនឹងអត្ថបទមួយ "តើ Jennie និង Naeun មានចំនុចស្រដៀងគ្នាអ្វីខ្លះ?" ដោយនៅក្នុងផុសមួយនោះ អ្នកលេងអ៊ីនធើណេតរូបនោះ​បាននិយាយថា Jennie នឹង Naeun ហាក់មានចំនុចស្រដៀងគ្នាច្រើនគួរសមដែរ ដោយបានលើកឧទាហរណ៍មក​បញ្ជាក់​ខ្លះៗ​ថា ពួកគេទាំងពីរបានបញ្ចប់ការសិក្សានៃថ្នាក់វិទ្យាល័យនៅសាលាតែមួយ ហើយពួកគេទាំងពីរក៏បានរស់​នៅ​តំបន់រួមគ្នាតាំងពីនៅកុមារភាពផងដែរ។ 

បន្ថែមពីនោះផងដែរ Jennie នឹង Naeun ក៏មានការចូលចិត្តម៉ូតសម្លៀកបំពាក់ និងប្រភេទកីឡាស្រដៀងគ្នាផងដែរ។ ហើយកាន់តែពិសេសគឺក្រុមទាំងពីររបស់ពួកគេ មានឈ្មោះ Pink នៅខាងចុងទៀត។ ហើយជាក់ស្តែងនៅពេលដែល Jennie ក្រុម BLACKPINK លេចមុខដំបូងគឺមានមនុស្សមួយចំនួនបាននិយាយថា នាងមានមុខស្រដៀង Naeun កាលពី Naeun បានលេចមុខដំបូងដែរអឹញ្ចឹង៕