ព្រឹត្តិការណ៍កីឡាអូឡាំពិកនៅទីក្រុង «តូក្យូ» ត្រូវលុបចោលឬយ៉ាងណា ក្រោយពន្យារពេលអស់ ១ ឆ្នាំ

បើទោះបីជា Covid-19 នៅតែបង្កការគំរាមកំហែងដ៏ធំក៏ដោយ ក៏ការប្រកួតកីឡាអន្តរជាតិពីរនៅតែត្រូវបានគេគ្រោងនឹងធ្វើនៅរដូវក្តៅនេះ គឺកីឡាអូឡាំពិក នៅទីក្រុងតូក្យូ និងពាន UEFA EURO ។ ការប្រកួតទាំងពីរខាងលើ ត្រូវបានពន្យារពេលមួយឆ្នាំដោយសារតែការរីករាលដាលនៃ Covid-19  ប៉ុន្តែតើមានឱកាសដែលអូឡាំពិកនឹងត្រូវបានលុបចោលដែរឬទេ? 

គណៈកម្មាធិការអូឡាំពិកអន្តរជាតិនៅតែប្តេជ្ញាចិត្តចំពោះការប្រកួតដែលបានគ្រោងទុកដោយមិនមានការពន្យារពេលមួយឆ្នាំទៀតនោះទេ។ ប្រធានគណៈកម្មាធិការអូឡាំពិកអន្តរជាតិលោក  Thomas Bach ថាព្រឹត្តិការណ៍នេះនឹងមិនអនុញ្ញាតិឲ្យអ្នកគាំទ្រចូលទស្សនានោះទេ។ មានការព្រួយបារម្ភថាការប្រកួតប្រជែងនឹងត្រូវធ្វើជាថ្មីម្តងទៀតដោយសារមានការកើនឡើងនៃអ្នកឆ្លង Covid-19 និងការចែកចាយវ៉ាក់សាំងយឺត។

លោក Thomas  Bach បានលើកឡើងពីសុទិដ្ឋិនិយមរបស់គាត់ ដែលបានមើលឃើញពីការប្រកួតកីឡាអន្តរជាតិជាច្រើនផ្សេងទៀតហើយនឹងបន្តដោយមានវិធានការសុវត្ថិភាព៕

ប្រភព៖ Goal