ភ្នំពេញ៖ សម្រាប់មិត្តៗយុវវ័យចូលចិត្តតាមដាន និងនិយមស្តាប់បទចម្រៀងប្រាកដជាបានស្គាល់តារាចម្រៀងប្រុស Original Song គឺលោក ថេណា តាមរយៈបទចម្រៀងពីរោះៗដូចជា «អង្វរ» «គេជាមនុស្សបែបណា» «គូកម្ម» «អ្នកចាស់ឬអ្នកថ្មី» «សរសៃប្រសាទ» «មនុស្សពិសេស» រួមទាំងបទចម្រៀងល្បីៗជាច្រើនបទទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតណាស់លោក ថេណា ជាតារាចម្រៀងឯករាជ្យ ដោយមិនស្ថិតក្រោមដំបូលផលិតកម្ម ឬក្រុមហ៊ុនណាមួយឡើយ ហើយក្រៅពីចម្រៀងលោកក៏មានសមត្ថភាពចេះនិពន្ធបទភ្លេង ទំនុកចម្រៀងដែលសុទ្ធសឹងមានអត្ថន័យចាក់ដោតអារម្មណ៍មិត្តអ្នកស្តាប់ ពិសេសក្នុងស្រទាប់មិត្តៗយុវវ័យផ្ទាល់តែម្តង។
យ៉ាងណាមិញ គ្រប់បទចម្រៀងដែលលោកបានច្រៀងគឺលោកតែងតែបង្ហោះតាមបណ្តាញសង្គមដូចជា Youtube និង Facebook ដោយឃើញថាមានអ្នកចុចទស្សនា និងស្តាប់ខ្ទង់រាប់ម៊ីនសែនលានដង។ ក្នុងនោះឃើញថាក៏មានបទចម្រៀងមួយដែលមានចំណងជើងថា «គូកម្ម» ដែលលោក ថេណា បានបកស្រាយជាមួយលោក ស៊ូ លីផេង គឺមានអ្នកចុចទស្សនារហូតដល់ទៅ ១០ លានដងឯណ្ណោះ។ ទាំងនេះឃើញថាសម្រាប់ប្រជាប្រិយភាពរបស់ ថេណា កាន់តែខ្លាំងឡើងៗពីមួយថ្ងៃទៅមួយថ្ងៃគួរកាត់សម្គាល់តែម្តង៕
ចង់ជ្រាបច្បាស់ សូមទស្សនារូបភាព និងវីដេអូខាងក្រោមនេះ ៖
Bong I.T