មនុស្សរាប់លាននាក់ជុំវិញពិភពលោក បាត់បង់ការងាររបស់ខ្លួន ឬត្រូវកាត់បន្ថយម៉ោងធ្វើការរបស់ខ្លួន ដោយសារ​តែ​ជំងឺ​កូវីដ១៩ ប៉ុន្តែការរីករាលដាលនៃមេរោគនេះ ក៏បានបង្កើតនូវរលកថ្មីនៃទីផ្សារការងារទៅវិញ។

យោងតាមការស្ទង់មតិរបស់គេហទំព័រ Peyoneer សកម្មភាពការងារបែប Freelancer នៅប្រទេសអូស្រ្តាលី មាន​ការ​កើនឡើងរហូតដល់ទៅ ៨៦% កាលពីឆ្នាំមុន ខណៈដែលប្រជាជនស្វះស្វែងបង្កើតប្រភពចំណូលថ្មី។

ចំនួនការងារ Online ដែលគេបង្ហោះនៅលើគេហទំព័រ Freelancer.com មានការកើនឡើង១៧% គឺពីចំនួន ១,៨​លាន​គម្រោងនៅឆ្នាំ២០១៩ ដល់ចំនួន ២,១លានគម្រោង នៅឆ្នាំ២០២០។

ដោយឡែកនៅលើគេហទំព័រនេះ មានការងារមួយដែលមានតម្រូវការខ្ពស់ជាងគេបង្អស់គឺ ការងារជាអ្នកឯកទេសខាង Flutter ដែលជាកម្មវិធីអភិវឌ្ឍ Software បែប open source បង្កើតឡើងដោយក្រុមហ៊ុន Google ដែលអាចឱ្យ​អ្នក​សរសេរកម្មវិធីអាចបង្កើតកម្មវិធីសម្រាប់ប្រព័ន្ធប្រតិបត្តិការ Android, iOS, Mac, Windows និងកម្មវិធីជា​ច្រើន​ទៀតក្នុងតម្លៃថោក។

តម្រូវការងារសម្រាប់អ្នកឯកទេសកម្មវិធីនេះ មានការកើនឡើងរហូតដល់ទៅ៣២០% គឺពី ២,១៣៦គម្រោង នៅឆ្នាំ​២០១៩ ដល់ ៨,៩៧១គម្រោង នៅឆ្នាំ២០២០ នេះបើយោងតាមគេហទំព័រ Freelancer.com ។

តម្លៃជាមធ្យមសម្រាប់ការងារពាក់ព័ន្ធនឹង Flutter នៅលើគេហំព័រ Freelancer ស្ថិតនៅចន្លោះពី ៣៤២.៣០ដុល្លារ ទៅ ៤៤៥ដុល្លារសហរដ្ឋអាមេរិក ក្នុង១គម្រោង។

ហេតុអ្វីបានជា Flutter មានកំណើនទីផ្សារដល់ម្លឹង?

អ្នកអភិវឌ្ឍ Software អាចប្រើប្រាស់ Flutter មកបង្កើត User Interface ដោយប្រើ Widget ដែលមានស្រេច។ យោងតាមក្រុមហ៊ុនវិស្វកម្មផ្នែកសូហ្វវែរ AltexSoft បានឱ្យដឹងថា ការអភិវឌ្ឍន៍ Software គឺជាប្រធានបទសាំញ៉ាំ​សម្រាប់​មនុស្សភាគច្រើន ប៉ុន្តែ plateform របស់ Flutter ផ្ដល់នូវភាពងាយស្រួលសម្រាប់​បុគ្គលដែល​មាន​ចំណេះ​ដឹង ឬបទពិសោធន៍តិចតួចខាង Programming ឱ្យគេអាចបង្កើតកម្មវិធីទូរសព្ទ ឬកម្មវិធីកុំព្យូទ័របាន។

មានមេរៀនជាច្រើនដែលអាចរកបាន សម្រាប់អស់អ្នកដែលចង់រៀនអំពី Flutter ហើយកម្មវិធីនេះបានក្លាយជា​បច្ចេក​វិជ្ជាដែលលូតលាស់លឿនបំផុត តាំងពីឆ្នាំ២០១៨។

Apps ដែលត្រូវបានបង្កើតឡើងតាម Flutter ក៏មាន performance ល្អជាង ហើយដើរលឿនជាង Apps ដែល​បង្កើត​ឡើងដោយ platform ដទៃទៀត។

អាជីវកម្មជាច្រើន ចាប់ផ្ដើមប្រែក្លាយជាអាជីវកម្មបែបឌីជីថល ហើយមនុស្សជាច្រើនក៏ចាប់ផ្ដើមធ្វើការងារបែប Freelance​ ឬធ្វើការឱ្យខ្លួនឯង ឬចាប់ផ្ដើមធ្វើអាជីវកម្មខ្លួនឯង ដូច្នេះពួកគេត្រូវការ Website ដើម្បីបង្អួតពីសេវាកម្ម ឬអាជីវកម្មរបស់ពួកគេ។

យោងតាមសម្ដីលោក Matt Barrie នាយកប្រតិបត្តិនៃក្រុមហ៊ុន Freelancer លោកបាននិយាយថា ការរីករាល​ដាល​នៃជំងឺកូវីត១៩ ទាមទារឱ្យមានការបង្កើត Website ថ្មីច្រើនណាស់។ ជាទូទៅ ក្នុងឆ្នាំ២០២០ ក្រុមហ៊ុនធុរកិច្ចថ្មី (Startup) និងសហគ្រិនភាគច្រើន នាំគ្នាបង្កើត Website និង Apps សម្រាប់អាជីវកម្មជាច្រើនដូចជា E-commerce​, សេវាកម្មបង្កើត software ឬ game ជាដើម»។

ខាងក្រោមនេះ គឺជាបញ្ជីការងារ online ទាំង១០ ដែលមានតម្រូវការកើនឡើងខ្លាំងបំផុត ក្នុងឆ្នាំ២០២០៖

តម្រូវការទីផ្សារការងារសម្រាប់អ្នកឯកទេសខាងសរសេរកូដ ដូចជា Firebase, Wix, RESTful API និង Typescript សុទ្ធតែមានការកើនឡើងលើសពី៩០%៕