«ពពាយជ្រុង» ជា​អន្លក់ ​ហើយ​​ថែម​​ទាំង​​​អាច​​​ព្យាបាល​​​​ជំងឺ​ស្រាល​​​មួយ​​ចំនួន​​ដោយ​​មិន​​បាច់​ប្រើ​​ថ្នាំ​​ពេទ្យ​

ពពាយជ្រុង ជារុក្ខជាតិពេញនិយម មិនថានៅជនបទឬទីក្រុង គេចូលចិត្តយកផ្លែវាមកទទួលទាន ជាអន្លក់ជាមួយ​ទឹក​គ្រឿង អន្លកផ្អក អន្លកផ្អកត្រីប្រៃ និងយកទៅឆាជាមួយសាច់ជាដើម។ ប៉ុន្តែគ្រាប់ និងមើមរុក្ខជាតិមួយនេះ ក៏អាចយក​ទៅ​​ធ្វើជាថ្នាំព្យាបាលជំងឺបានផងដែរ។ ខាងក្រោមជារបៀបប្រើប្រាស់រុក្ខជាតិនេះ៖

លក្ខណៈរុក្ខជាតិ

ជារុក្ខជាតិប្រភេទវល្លិ៍ មើមធំ មានជាតិទឹកច្រើន ដើមមានរាងមូល។ ស្លឹករួមទង ១ទងបែកជា ៣សន្លឹក ២សន្លឹក​ទល់​ទងគ្នា, ១​សន្លឹកសេស នៅចុងស្លឹក, ស្លឹកមានរាងធំគល់ ស្រួចចុង។ ផ្កាដុះចេញពី ប្រគាបស្លឹក មាន ៣ ​ទៅ ៦ ផ្កា​ពណ៌​ស និងស្វាយ។ ផ្លែមានពណ៍បៃតងខ្ចី មាន៤ជ្រុង តាមទ្រនុងមានធ្មេញរណា​ ចំណែកគ្រាប់ ពេលទុំពណ៌​លឿង​ចាស់ រាងពងក្រពើ។

កន្លែងដាំដុះ

ដុះនៅដីវាល និងគេដាំសម្រាប់ធ្វើជាបន្លែ។

រសជាតិ

មើមមានជាតិចត់, ត្រជាក់, ផ្សះបំបាត់ចុក។

ផ្នែកប្រើប្រាស់

គ្រាប់ និងមើម

សមាសធាតុគីមី

គ្រាប់មានជាតិ Proteine, ជាតិប្រេង, Protid 32-36%, Lipid 13-17%, Glucid 26-36%, និងច្រើន acide amine ដូចជា Lysin, metionine, cystine, ជាតិ Calcium នៅក្នុងផ្លែមានច្រើនជាងនៅក្នុងសណ្តែកដី និង សណ្តែកសៀង។ មើមមានជាតិម្សៅ និងស្កច្រើន ដូចនេះវាមានជាតិផ្អែមលែមៗ ពិសេសគឺ Protidman 20% ក្នុងមើមស្ងួត ខ្ពស់ជាតិមើមដំឡូង។

ការព្យាបាល

មើមៈ សម្រាប់ព្យាបាល ឈឺបំពង់ក, ឈឺធ្មេញ, នោមទាស់។

កម្រិតប្រើប្រាស់

៥ ទៅ ១០ក្រាម ក្នុងមួយថ្ងៃ៕