សមាជិក BTS ម្នាក់ៗបានធ្វើការបង្ហាញពីភាពផ្លាស់ប្ដូររបស់ Jungkook ពេលចូលដំបូងរហូតដល់ឥឡូវ

កូរ៉េខាងត្បូង៖ Jungkook (JK) ជាសមាជិកកូនពៅរបស់ BTS ដែលមិនត្រឹមតែមានរូបរាងសង្ហានោះទេ ថែមទាំងមានទេពកោសល្យខ្ពស់នៅក្នុងវិស័យសិល្បៈផងដែរ។ តែរឿងមួយដែលកាន់តែចាប់អារម្មណ៍នោះ គឺ JK បានចាប់ផ្ដើមចូលវឹកហាត់ និងចាប់ផ្ដើមប្រឡូកក្នុងវិស័យ Kpop តាំងពីលោកអាយុ ១៥ ឆ្នាំមកម្ល៉េះ ហើយហាត់ជាមួយនឹងក្រុម BTS នេះតែម្ដង។

យ៉ាងណាមិញ JK ហាក់មានការលូតលាស់ និងផ្លាស់យ៉ាងច្រើនចាប់តាំងពីលោកបានរួមដំណើរជាមួយនឹងគ្រួសារធំ BTS ដែលមាន Kim Namjoon (RM) ដែលជាប្រធានក្រុមមក។ ដោយសារតែមានវ័យក្មេងជាងគេ នៅក្នុងក្រុម JK ឧស្សាហ៍ត្រូវបានសមាជិកផ្សេងទៀតធ្វើការចំអន់លេងជាប្រចាំ។

ខាងក្រោមនេះ ជាពាក្យសម្ដី ដែលចេញអារម្មណ៍ពិតរបស់សមាជិក BTS ផ្សេងទៀតទៅកាន់ JK៖

Suga៖ JK ចូលដំបូងមើលទៅពិតជាលំបាកសម្រាប់គាត់ណាស់ ជាក្មេងជំទង់មិនទាំងទាន់ស្គាល់ខ្លួនឯងច្បាស់លាស់ផង តែមកត្រូវធ្វើការងារមួយដែលពោរពេញទៅភាពទំនួលខុសត្រូវខ្ពស់ ជាមួួនឹងការហ្វឹកហាត់យ៉ាងលំបាក។ ក៏ប៉ុន្ដែ JK មើលទៅកាន់តែមានភាពចាស់ទុំពីមួយថ្ងៃទៅមួយថ្ងៃ។

V៖  បើប្រៀបធៀបទៅកាន់អ្វីដែលបានកើតឡើងពីមុន JK ពិតជាមានការយល់ដឹងច្រើនឥឡូវនេះ។

J-hope៖ JK មានទំលាប់មួយគឹមិនចូលចិត្តចែករំលែក ឬប្រើរបស់រួមជាមួយអ្នកដទៃ ក៏ប៉ុន្ដែគាត់ចាប់ផ្ដើមផ្លាស់ប្ដូរបន្ដិចម្ដងៗ រហូតជាមនុស្សដែលចិត្តទូលាយគ្រាន់បើឥឡូវនេះ។

បើស្ដាប់តាមអ្វីដែល Suga, J-hope និងV បាននិយាយនោះ ពិតជាអាណិត និងកោតសរសើរ Jungkook​ ជាខ្លាំង៕