ថៃ៖ បើតាមប្រភពសារព័ត៌មានកម្សាន្តថៃបានឲ្យដឹងថា តារាសម្តែងស្រីល្បីឈ្មោះ Min Pechaya បានហក់ចូល​សម្តែង​តាំងពីឆ្នាំ ២០០៩ មកម៉្លេះ បើគិតមកទល់ពេលនេះមានរយៈពេលប្រមាណ ១១ ឆ្នាំហើយ។

គួរបញ្ជាក់ផងដែរថា សម្រាប់រឿងភាគដំបូងដែលនាងបានសម្តែងកាលពីឆ្នាំ ២០០៩ មានចំណងជើងថា «Pla Boo Thong»។ រហូតមកដល់ឆ្នាំ ២០១០ Min បានទទួលពានរង្វាន់ចំនួន ២ នៅក្នុងកម្មវិធី «Siam Dara Star Awards ២០១០» និងកម្មវិធី «TV Inside Hot Awards ២០១០»។ ហើយឆ្នាំបន្ទាប់ៗទៀត Min ក៏ទទួលបាន​ពាន​ស្ទើរតែ​រាល់ឆ្នាំមិនដែលរំលងឡើយ។

យ៉ាងណាមិញ បើគិតមកទល់ពេលនេះ Min Pechaya ទទួលបានពានរង្វាន់សរុបទាំងអស់ចំនួន ៣២ ហើយ។ សង្ឃឹមថាតារាស្រីរូបនេះនឹងបន្តឈ្នះពានរង្វាន់ផ្សេងៗជាបន្តបន្ទាប់ផងដែរ៕

សូមទស្សនារូបភាពខាងក្រោមនេះ ៖