វិទ្យាសាស្ដ្រ៖ ប្រហោងខ្មៅ (Black Hole) ដែលយើងតែងតែស្គាល់ថាជាកន្លែងដែលមានកម្លាំងទំនាញដ៏ខ្លាំងមហិមា អាចលេបយកអ្វីៗបានទាំងអស់ដែលនៅក្បែរវា សូម្បីតែពន្លឺក៏មិនអាចគេចចេញពីវាបានដែរ ។ តើអ្នកទាំងអស់គ្នាមានឆ្ងល់ទេថា ប្រហោងខ្មៅ (Black Hole) កើតឡើងដោយសារអ្វី ?

បើយោងទៅតាមការសិក្សាស្រាវជ្រាវរបស់ក្រុមអ្នកវិទ្យាសាស្រ្ដ Black Hole គឺកកើតឡើងពីការស្លាប់នៃផ្កាយធំៗ ដែលអាចមានម៉ាស់ធំជាងព្រះអាទិត្យយើងចាប់ពី ២០ដងឡើងទៅ ដែលត្រូវផ្ទុះទៅជា ស៊ូពើណូវ៉ា ហើយគ្រប់អ្វីៗទាំងអស់ដែលនៅសេសសល់ពីការផ្ទុះនោះក៏ប្រមូលផ្ដុំគ្នាទៅជាចំណុចកណ្ដាលមួយដែលគេតែងតែហៅថា Singularity ។ ហើយនៅរង្វង់ព្រំដែនមួយដែលនៅជុំវិញ Singularity មានឈ្មោះថា «Event Horizon» ដែលមានកម្លាំងទំនាញដ៏ខ្លាំងមហិមាដែលសូម្បីតែពន្លឺក៏មិនអាចគេចចេញពីវាបានដែល នេះហើយគឺ​ជាការ​ចាប់កំណើត​នៃ Black Hole ។

ប៉ុន្ដែក្រុមអ្នកវិទ្យាសាស្រ្ដមានការរកឃើញ Black Hole ដែលមានម៉ាស់យ៉ាងធំសម្បើមនោះគឺ Supermassive Black Hole ដែល​ស្ថិត​នៅ​ចំកណ្តាលកាឡាក់ស៊ី​មីលគីវេ​របស់​យើង ក៏ដូចជា​គ្រប់កាឡាក់ស៊ី​ជាច្រើន​ផ្សេងទៀត ។ Supermassiv Black Hole ដែលក្រុមអ្នកវិទ្យាសាស្ដ្របានរកឃើញនៅកណ្ដាលកាឡាក់ស៊ី​មីលគីវេ​របស់យើង គឺវាមានម៉ាស់ធំជាង​ព្រះអាទិត្យយើងដល់​ទៅ​រាប់លានដងឯណោះ។ ហើយ Black Hole ដែលមានម៉ាស់ដ៏ធំសម្បើមនេះគឺមិនអាចកើតចេញពីការស្លាប់នៃផ្កាយបានឡើយ ក៏ព្រោះតែផ្កាយដែលគេបានរកឃើញនោះអាចមានម៉ាស់ត្រឹមតែ ២៥៦ ដងនៃម៉ាស់ព្រះអាទិត្យយើងប៉ុណ្ណោះ។​ សម្រាប់ Black Hole ដែលគេបានរកឃើញនៅកណ្ដាលកាឡាក់ស៊ី​មីលគីវេនេះ ក៏​មិនមែន​ជា Black Hole ធំជាងគេ​នោះដែរ ។

ចុះថាតើ Supermassive Black Hole កកើតឡើយដោយរបៀបណា ?

(តាមរយៈប្រព័ន្ធ LIGO ឬLaser Interferometer Gravitational-Wave Observatory) ដែលតារាវិទូបានរកឃើញកាលពីឆ្នាំ ២០២៥ បានបង្ហាញថា មានការលាយបញ្ចូលគ្នារវាង Black Hole ពីរ ក្រោយៗមកទៀតបាតុភូតស្រដៀងៗគ្នានេះចេះតែកើតឡើងជាបន្ដបន្ទាប់ដែលធ្វើឱ្យម៉ាស់របស់ Black Hole ចេះតែធំទៅៗ រហូត​​ក្លាយ​ទៅជា Supermassive Black Hole ដែលគេ​រកឃើញ​នៅ​ចំកណ្តាល​កាឡាក់សាក់ស៊ី​មីលគីវេ ក៏ដូចជា​កាឡាក់ស៊ី​ជាច្រើន​ផ្សេងទៀត៕