សុខភាព៖  ផ្លែប័រ ជាប្រភេទផ្លែឈើមួយប្រភេទ ដែលមានរសជាតិឆ្ងាញ់និងងាយស្រួលទទួលទាន ហើយក៏មាន​អត្ថប្រយោជន៍​​​ជាច្រើន ជួយដល់សុខភាពផងដែរ ៖

១. កាត់បន្ថយជំងឺគាំងបេះដូង

ក្នុងផ្លែប័រមានផ្ទុកជាតិ Folate ដែលមានប្រយោជន៍ ជួយការពារបញ្ហាជម្ងឺគាំងបេះដូង និងអាការៈដាច់សរសៃឈាម ខួរក្បាល។

២. កាត់បន្ថយសម្ពាធឈាម

ក្នុងផ្លែប័រក៏សម្បូរជាតិប៉ូតាស្យូមផងដែរ ដែលអាចជួយកាត់បន្ថយ បញ្ហាសម្ពាធឈាម ឡើងខ្ពស់បាន។

៣. ជំនួយភ្នែក

សារធាតុ Lutein ប្រមាណ៨១មីក្រូក្រាម ក្នុងផ្លែប័ អាចជំនួយដល់កែវភ្នែក ការពារដល់បញ្ហាភ្នែក ឡើងបាយ និងជួយ​ដល់ បញ្ហាបេះដូងបានទៀតផង។

៤. កាត់បន្ថយជាតិកូលេស្តេរ៉ូល

ប្រសិនបើអ្នក ចង់គ្រប់គ្រងជាតិ កូលេស្តេរ៉ូល ក្នុងខ្លួនរបស់អ្នក គួរតែបរិភោគ ផ្លែប័រជារៀងរាល់ថ្ងៃ ដើម្បីសុខភាព​របស់អ្នក។

៥. ល្អចំពោះសរសៃសក់

វីតាមីនB បេតាការូទីន វីតាមីនC និងវីតាមីនE ក្នុងផ្លែប័រ អាចធ្វើឱ្យ សក់របស់អ្នក មានពន្លឺភ្លឺចែងចាំង និងស្អាត​ដូច​ធម្មតាវិញ។

៦. ជួយឱ្យមុខរបួសស្បះស្បើយ

វីតាមីនE អាចជួយឱ្យស្នាម របួសជាសះស្បើយ ជួយកាត់បន្ថយស្នាមសម្លាក និងធ្វើឱ្យស្បែក មានសភាពភ្លឺ និងម៉ត់​រលោងបាន៕