កាន់តែឡើងកូដខ្លាំងហើយ! គីម ស៊ីវឡាម លេចមុខក្នុងរឿងភាគបន្តកន្ទុយគ្នា - Khmerload

កាន់តែឡើងកូដខ្លាំងហើយ! គីម ស៊ីវឡាម លេចមុខក្នុងរឿងភាគបន្តកន្ទុយគ្នា

https://s9.kh1.co/bd/bd322a6418722e3e892746614c9365e648b1d541.jpg
តារា & កម្សាន្ដ
 30-Nov-2020 9pm · a year ago

កាន់តែឡើងកូដខ្លាំងហើយ! គីម ស៊ីវឡាម លេចមុខក្នុងរឿងភាគបន្តកន្ទុយគ្នា

ភ្នំពេញ៖ នារយៈពេលប្រមាណជា២ឆ្នាំចុងក្រោយនេះ សង្កេតឃើញថា តារាសម្តែងស្រីសាច់សខ្ចី គីម ស៊ីវឡាម កាន់តែមានសន្ទុះខ្លាំងឡើងៗតាមរយៈការថតរឿងភាគជាបន្តបន្ទាប់ជាមួយនឹងផលិតកម្មធំៗចំនួន២គឺ ផលិតកម្មហង្សមាស និងផលិតកម្ម Sastra Film។ ចំណុចនេះអាចបញ្ជាក់បានថា ទីផ្សារការងារសម្តែងរបស់ស្រីស្អាតរូបនេះ ពិតជាឡើងកូដលឿនខ្លាំងមិនធម្មតាឡើយ។

បើនិយាយពីការចូលសម្តែងក្នុងផលិតកម្មហង្សមាសដំបូងវិញ ស៊ីវឡាម មិនបានប្រកាន់ខ្លួនទៅនឹងប្រភេទតួអង្គដែលនាងសម្តែងនោះទេ ពោលគឺនាងដើរតួត្រឹមតែជាអ្នកបម្រើជំនិតរបស់តួអង្គកញ្ញា សូដា នីតា នៅក្នុងរឿង “រាជិនីភូមិគ្រឹះ” ប៉ុណ្ណោះ។ ប៉ុន្តែតាមរយៈសមត្ថភាពសម្តែងដ៏ប៉ិនប្រសប់ បូកផ្សំនឹងអត្តចរិតរួសរាយរាក់ទាក់ និងការគោរពពេលវេលាថតបានល្អទៀតផងនោះ ជាកត្តាដែលញ៉ាំងឱ្យបណ្តាអ្នកដឹកនាំតាមផលិតកម្មធំៗនានា តែងតែជ្រើសរើស គីម ស៊ីវឡាម ទៅសម្តែងជាបន្តបន្ទាប់ មិនថាការសម្តែងជាខ្សែភាពយន្ត និងការថត MV នោះឡើយ ហើយការសម្តែងមួយចំនួនក្នុងនោះ ស៊ីវឡាម ក៏បានវិវត្តខ្លួនទៅជាតួឯក និងតួរងបានយ៉ាងច្រើនផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែងថ្មីៗនេះ ស៊ីវឡាម បានលេចមុខបន្តកន្ទុយគ្នាជាតួរងនៅក្នុងរឿងភាគមួយចំនួនដូចជា៖ “ព្រាននារីកែខ្លួន” “ប្រពន្ធបងមិនល្អមែនទេ” និងរឿងភាគបែបកំប្លែងដែលកំពុងល្បី “ម៉ែក្មេកចេញពីក្នុងព្រះចន្ទ” ដែលជាស្នាដៃរបស់អ្នកនិពន្ធរឿងវ័យក្មេងលោក សោម ដូរ៉េ និងអ្នកដឹកនាំសម្តែងល្បីឈ្មោះលោក កៅ សីហា

អ្វីដែលរឹតតែគួរឱ្យចាប់អារម្មណ៍ថែមទៀតនោះ គីម ស៊ីវឡាម ក៏បានត្រៀមនូវចំណីអារម្មណ៍ថ្មីមួយបន្ថែមទៀតនាពេលឆាប់ៗខាងមុខជាមួយនឹងខ្សែភាពយន្តភាគរបស់ទូរទស្សន៍ហង្សមាសដែលមានចំណងជើងថា “ឋានសួគ៌ទារុណ” ដែលជារឿងភាគមួយកំពុងតែត្រូវបានទស្សនិកជនជាច្រើនទន្ទឹងរង់ចាំទស្សនាយ៉ាងអន្ទះសារ ហើយ ស៊ីវឡាម ក៏ជាតួរងស្រីដ៏សំខាន់មួយរូបក្នុងរឿងនេះផងដែរ ដែលទាំងនេះហើយសុទ្ធសឹងតែជាឱកាសដែលផ្តល់ឱ្យនាងសាងយកភាពល្បីល្បាញដើម្បីអាជីពដែលនាងស្រលាញ់៕

សូមទស្សនារូបភាពខាងក្រោម៖

https://s9.kh1.co/__image/w=650,h=1200,q=100/73/733f9d327ebf6b24b97ffb3b2da9d6c39b9c8ee4.jpg
គីម ស៊ីវឡាម
https://s9.kh1.co/__image/w=650,h=1156,q=100/18/1822f0b61d91b1e777aae451fbcfbc0012c4f6d2.jpg
គីម ស៊ីវឡាម
https://s9.kh1.co/__image/w=650,h=867,q=100/6e/6eade48b2a5b775e597b46dc565f611e4f26b98c.jpg
គីម ស៊ីវឡាម
https://s9.kh1.co/__image/w=650,h=1156,q=100/2d/2dad4e85e83728682d4175679e10ec451ffb805c.jpg
គីម ស៊ីវឡាម
https://s9.kh1.co/__image/w=650,h=1057,q=100/43/43ca4931d8b139befc3137df8850d6c0ee6f5591.jpg
គីម ស៊ីវឡាម
https://s9.kh1.co/__image/w=650,h=904,q=100/03/031b29183ca570ed7322aabc9ee8858c6de04a32.jpg
គីម ស៊ីវឡាម
https://s9.kh1.co/__image/w=650,h=1170,q=100/40/40b183cb35ba3b751df6fac18ea47dafebf189e3.jpg
គីម ស៊ីវឡាម
https://s9.kh1.co/__image/w=650,h=358,q=100/eb/eb3ea42759a6b491d248c1ab2d444cce4ff2525a.jpg
រឿងភាគថ្មីរបស់ គីម ស៊ីវឡាម
https://s9.kh1.co/__image/w=650,h=359,q=100/bc/bce0417d44321799ba9c599dad8c866522576580.jpg
រឿងភាគថ្មីរបស់ គីម ស៊ីវឡាម
Sam Kimhak
Huy (C)

អត្ថបទទាក់ទង