រឿងគួរឱ្យភ្ញាក់ផ្អើល១១យ៉ាង ដែលអ្នកមិនធ្លាប់ដឹងអំពីកីឡា SUMO របស់ជប៉ុន (មានវីដេអូ)

បរទេស ៖ កីឡាស៊ូម៉ូ គឺជាកីឡាមួយដែលមានដើមកំណើតមកពីប្រទេសជប៉ុន បង្កើតឡើងក្នុងសតវត្សទី១៦ បច្ចុប្បន្នកីឡាប្រភេទនេះ ក៏នៅតែមានការពេញនិយមខ្លាំងនៅប្រទេសជប៉ុន។ តើកីឡាSUMO មានអ្វីប្លែកពីកីឡាដទៃ? ថ្ងៃនេះ Khmerload/keylatop នឹងលើកយកនូវរឿងទាំង១១ ដែលលោកអ្នកមិនធ្លាប់បានដឹងអំពីកីឡារបស់ជប៉ុនមួយនេះ ។   

ទី១. កីឡា SUMO គឺជាកីឡាសម្រាប់ពិធីសាសនា បើប្រៀបធៀបជាមួយនឹងកីឡាភាគច្រើននៅលើពិភពលោកនាពេលបច្ចុប្បន្ននេះ Sumo មានដើមកំណើតជាយូរមកហើយ។ ដោយតាមពិតមានអាយុកាលប្រហែលជា១៥០០ឆ្នាំ។ តាំងពីដំបូងកីឡាប្រភេទនេះ ត្រូវបានគេធ្វើក្នុងពិធីសាសនាស៊ីនតូ ក្នុងគោលបំណងដើម្បីបូជាគោរពដល់វិញ្ញាណដែលត្រូវបានគេស្គាល់ថាកាមី(kami) ហើយSumo នៅតែមានទំនាក់ទំនងយ៉ាងជិតស្និទ្ធ ជាមួយដើមកំណើតសាសនារបស់ខ្លួន ។

ទី២. លក្ខខណ្ឌនៃការប្រកួត ការប្រកួតមិនត្រូវចាប់ផ្តើមរហូតដល់អ្នកចំបាប់ទាំងពីរបានដាក់ដៃទាំងពីរលើដីក្នុងពេលតែមួយ។

ទី៣. ជីវិតរបស់កីឡាករស៊ូម៉ូពិតជាលំបាកណាស់ Sumobeya គឺជាកន្លែងដែលអ្នកចំបាប់រស់នៅបរិភោគ ហ្វឹកហាត់និងគេងពេញមួយអាជីពរបស់ពួកគេ លើកលែងតែពួកគេរៀបការ ទើបពួកគេត្រូវបានអនុញ្ញាតឱ្យរស់នៅក្នុងផ្ទះឯករាជ្យ។

ទី៤. អ្នកចំបាប់ស៊ូម៉ូមិនមែនសុទ្ធតែធាត់នោះទេ តាមពិតនៅក្នុងប្រវត្ដិសាស្ដ្ររបស់ស៊ូម៉ូ មិនមានការបែងចែកទំងន់ដូចសម័យបច្ចុប្បន្ននេះឡើយ ។

ទី៥. អ្នកចំបាប់ស៊ូម៉ូ មិនត្រូវបានអនុញ្ញាតឱ្យបើកបររថយន្តទេ ។

ទី៦. ការប្រកួតថ្ងៃចុងក្រោយនៃព្រឹត្តិការណ៍ Sumo គេហៅថា "pleasure of a thousand autumns" ជាថ្ងៃដែលគេប្រគល់រង្វាន់បញ្ចប់ព្រឹត្តការណ៍ Sumo សរទរដូវ ។

ទី៧. អាជ្ញាកណ្តាលសូម៉ូ ឬហ្គីជី(ភាសាជប៉ុន) គឺមានរឿងគួរឱ្យចាប់អារម្មណ៍ដូចជាអ្នកចំបាប់ដែរ គឺត្រូវចូលក្នុងពិភពសូម៉ូតាំងពីនៅក្មេង ដោយទទួលបានការហ្វឹកហាត់យ៉ាងតឹងរឹងបំផុត ដូចអ្នកចំបាប់ស៊ូម៉ូដែរ ។

ទី៨.អ្នកចំបាប់ស៊ូម៉ូ ត្រូវតែស្លៀកសម្លៀកបំពាក់បែបប្រពៃណី ។

ទី៩. ឥរិយាបទរបស់កីឡាករស៊ូម៉ូទាំងមុនពេលប្រកួត និងក្រោយប្រកួត ច្បាប់កំណត់ថានៅពេលចេញប្រកួត អ្នកចំបាប់ទាំងនោះត្រូវតែបំប៉ោងខ្លួនឯង និងនិយាយដោយពាក្យទន់ភ្លន់ ហើយក្នុងអំឡុងពេលប្រកួតពួកគេគួរតែចៀសវាងការបង្ហាញភាពរីករាយ នៅពេលឈ្នះឬខកចិត្តនៅពេលចាញ់។

១០. លក្ខខណ្ឌសម្រាប់ជនបរទេសដែលមានបំណងចង់ហាត់កីឡាចំបាប់ប្រភេទនេះ គឺត្រូវពូកែខាងវប្បធម៌ជប៉ុន និង ចេះនិយាយភាសាជប៉ុន។ បន្ថែមពីនេះទៅទៀត ពួកគេត្រូវរៀនរស់នៅ និងព្យាយាមធ្វើឲ្យដូចជនជាតិជប៉ុន។

ទី១១. ស្ត្រីមិនអាចធ្វើជាអ្នកបោកចំបាប់បានទេ ។

ប្រភព៖ sumo-wrestling