ទោះកូន១ក៏ពិតមែន តែ ពេជ្រ សូលីកា កាន់តែស្រស់ស្អាត ពេលតុបតែងខ្លួនបែបនេះ

ភ្នំពេញ៖ ក្រោយពេលសម្រាលកូនប្រុសដំបូងហើយ តារាចម្រៀង ពេជ្រ សូលីកា​ ហាក់មមាញឹកយ៉ាងនឹងសិល្បៈអាជីពចម្រៀងរបស់នាងជាខ្លាំង តួយ៉ាងកាលពីពេលថ្មីនេះនាងទើបតែចេញបទចម្រៀងថ្មីមួយបទជាលើកដំបូងរបស់នាងបន្ទាប់ពីសម្រាលកូនហើយ តាមរយៈបទ «ម្នាក់នោះមិនមែនជាយើង» ដែលកំពុងទទួលបានការគាំទ្រយ៉ាងច្រើនពីសំណាក់ហ្វេនៗយុវវ័យ។

ការវិលចូលសិល្បៈជាលើកទីពីរនេះយើងសង្កេតឃើញថា ទោះបីមានកូន១ក៏ពិតមែន តែរូបសម្រស់តារាស្រីរូបនេះនៅតែក្មេងជាងវ័យដដែល។ ជាពិសេសកាន់តែមានភាពលេចធ្លោខ្លាំងជាងមុន ជាមួយនឹងការលេងស្ទាយ៍តុបតែងខ្លួន ម៉ូតសម្លៀកបំពាក់ថ្មីៗ ប្លែកៗមើលទៅមិនស៊ាំភ្នែកនោះឡើយ។

តួយ៉ាងកាលពីម្សិលមិញនេះ នាងបានបង្ហោះរូបភាពជាច្រើនសន្លឹកនៅក្នុងបណ្ដាញសង្គមរបស់នាងដោយស្លៀករ៉ូបពណ៌ខ្មៅពងជីកចក់ ហើយលើកសក់បួងឡើងលើ អមជាមួយនឹងបូរ.កទៀតនោះរឹតតែបង្ហាញពីភាពស៊ិចសុី សុីវិល័យរបស់យុវវ័យសម័យថ្មី រួមជាមួយការតុបតែខ្លួនរបស់អ្នកនាងបានយ៉ាងល្អ មើលមិនទាស់ភ្នែកតែម្ដង មើលទៅ ពិតជាប្លែក ស្រស់ស្អាតជាងរាល់ដង ខណៈមានកូនមួយហើយក៏ពិតមែន ប៉ុន្តែនាងនៅតែមានភាពច្នៃប្រឌិតក្នុងការធ្វើខ្លួន បាននៅតែស្អាតខ្ញង់នឹងទាក់ចិត្តហ្វេនៗ៕  

សូមទស្សនារូបភាពខាងក្រោម៖