ជំនឿ៖ ជឿជាក់ថាប្រជាពលរដ្ឋខ្មែរយើង ច្រើនជាង៥០ ភាគរយទៅហើយ ដែលមានជំនឿទៅលើរឿង បែបអបិយជំនឿ របស់ចាស់ៗខ្មែរបុរាណ ពេលខ្លះបើទោះបីជា ជំនឿទាំងនោះ មិនមាននៅភាពច្បាស់លាស់ហើយ ប្រាកដថាអាចនឹងកើតមានឡើង តាមប្រផ្នូររបស់យើង ក៏ពិតមែនតែក្នុងចិត្ត នៅតែមាននៅការភ័យខ្លាច និងការពារជាប់ជានិច្ច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងប្រៀបដូចជា ប្រផ្នូលមួយចំនួន សម្រាប់អ្នកជឿ តែងគិតថានឹងអាចមានរឿងអ្វីមួយ កើតឡើងប្រាកដមែន តែសម្រាប់អ្នកមិនជឿ ក៏យល់ថាធម្មតា តែពេលខ្លះអ្នកអាចចាំសង្កេតមើល ដោយខ្លួនឯងវិញ ទើបច្បាស់លាស់ជាង។
តោះចង់ដឹងថាមាន ប្រផ្នូលអ្វីដែលចាស់ៗបុរាណ មានការជឿតគ្នា រហូតមកដល់ប្រជាពលរដ្ឋខ្មែរពេលបច្ចុប្បន្ននេះ ខ្លះនោះក៏ សូមទៅតាមដានទាំងអស់គ្នា ៖
១. ប្រផ្នូលញាក់ភ្នែក
ប្រសិនបើ ញាក់ត្របកភ្នែកខាងឆ្វេង តែផ្នែកខាងលើ អាចនឹងកើតមាន នៅរឿងរ៉ាវអាក្រក់។ តែបើញាក់ភ្នែកឆ្វេង តែនៅផ្នែកខាងក្រោម អាចនឹងមានរឿងរ៉ាវ ឈ្លោះប្រកែក ការចោទប្រកាន់ ធ្លាយដល់ការជាប់ទោស ថែមទៀតផង។
២. ប្រផ្នូលបែកកែវ
នៅពេលដែល អ្នកធ្វើឲ្យបែកកែវ ឬកញ្ចក់នៅក្នុងផ្ទះនេះ ជាប្រផ្នូលដែលមិនល្អមួយ ដែលតាមចាស់ៗបុរាណ ជឿជាក់ថានឹងអាចធ្វើឲ្យរាសី អ្នកធ្លាក់ចុះរហូតដល់៧ថ្ងៃ ការងារមិនរីកចម្រើន និងអាចធ្វើឲ្យ អ្នកជួបនៅគ្រោះថ្នាក់ផ្សេងៗ ថែមទៀតផង។ ដូចនេះវិធីក្នុងការរំដោះគ្រោះ អាក្រក់នេះ អ្នកអាចទៅរកព្រះសង្ឈ ឬឪពុកម្តាយ ដើម្បីធ្វើការស្រោចទឹក ដើម្បីសុំសេចក្តីសុខឡើងវិញ។
៣. ប្រផ្នូលញាក់ត្រចៀក
ប្រសិនបើ អ្នកញាក់ត្រចៀកស្តាំ អ្នកអាចនឹងទទួលបាន នៅដំណឹងអាក្រក់ណាមួយជាមិនខាន តែបើបើញាក់ត្រចៀកឆ្វេង អ្នកអាចនឹងទទួលបាន នៅលាភធំ និងសំណាងល្អណាមួយ ជាក់ជាមិនខាននោះទេ។
៤. យល់សុបិន្តបាក់ធ្មេញ
ការយល់សុបិន្ត បាក់ធ្មេញនេះ បើតាមការមានជំនឿតៗគ្នា របស់ចាស់ៗបុរាណ បានឲ្យដឹងថា សុបិន្តនេះអាចជាប្រផ្នូល ឲ្យយើងដឹងមុនថានឹង អាចជួបទុក្ខធំ ព្រោះមានសមាជិក គ្រួសារត្រូវស្លាប់។ តែប្រសិនបើយើង យល់សុបិន្តហើយ គ្មានឈាមនោះបង្ហាញថា អ្នកដែលត្រូវស្លាប់ អាចជាសាច់ញាត្តិឆ្ងាយ។ តែបើសុបិន្តមាន ឈាមនោះច្បាស់ណាស់អាចជា សាច់ញាតិជិតតែម្តង។
៥. ខ្លែងស្រាកស្រែកយំ
បើសត្វនេះ ស្រែកយំ នៅលើដំបូលផ្ទះ នេះជាសញ្ញាដែលចាស់ៗ បុរាណជឿជាក់ថាមានគ្រោះចង្រៃ ឬមានអ្នកស្លាប់ដោយ គេសម្គាល់ថាវាស្រែកយំ លើដំបូលផ្ទះហើយវាស្រែកយំ តែមួយដងគត់ ឬស្រែកដាច់សម្លេងនោះ គឺជាការឲ្យហេតុថានឹង មានមនុស្សណាម្នាក់ នៅក្នុងផ្ទះត្រូវស្លាប់។ តែបើវាស្រែក២ដង ជាប់គ្នានោះ មានន័យថាសមាជិកក្រុមគ្រួសារ អាចមានអ្នកធ្លាក់ ខ្លួនឈឺជាមិនខាន។ ដោយឡែក បើវាស្រែកយំហើយ យំទៀតមិនឈប់នោះ គឺវាគ្រាន់តែជាដោយញី ដោយឈ្មោលតែប៉ុណ្ណោះ។
៦. ប្រផ្នូលតុកកែស្រែក
មិនថាយប់ឬថ្ងៃនោះទេ បើមុនពេលដែលយើងចេញ ដំណើរពីផ្ទះស្រាប់តែ តុកកែស្រែកយំ៣ដងហើយនោះ ជាសញ្ញាដែលវាប្រាប់ថា អ្នកអាចនឹងជួបគ្រោះអ្វីមួយ ជាយកថាហេតុជាមិនខាន។ ដូច្នេះអ្នកគួរតែ ប្រុងប្រយ័ត្នជាមុន៕
ប្រភព៖ kim... Home
Bong I.T