កុំឆ្ងល់អី នៅព្រែកព្នៅ អ្នកភូមិនាំគ្នាតុបតែងខ្លួន ដើម្បីសូមទឹកភ្លៀង ក្នុងពិធីបុណ្យហែអ្នកតាព្រីងក្អែក

ភ្នំពេញ៖ ជាការពិតណាស់ តាំងពីយូរលង់ណាស់មកហើយ ​​​​​​​​​ ចាស់ៗតែងមានតំណម និងមានជំនឿ ទៅលើព្រះ អារក្ស អ្នកតា ក្នុងការបែរបន់ ស្នើរសុំបំណងប្រាថ្ញាអ្វីមួយ ឬសុំសេចក្ដីសុខសប្បាយ ឲ្យកើតមានចំពោះខ្លួន និងភូមិស្រុករបស់ពួកគេ ដូចជារៀបចំពិធីក្នុងការបន់ស្រន់ សុំទឹកភ្លៀងដើម្បីធ្វើស្រែចម្ការ​ ឬពីការរីងស្ងួត ក្ដៅហួតហែងផ្សេងៗ ដោយជំនឿនេះ បានកើតមាន និងធ្វើតាមពីមួយជំនាន់ ទៅមួយជំនាន់ រហូតមកដល់បច្ចុប្បន្ននេះផងដែរ។

ជាក់ស្ដែង កាលពីថ្ងៃទី២៣ ខែឧសភា ឆ្នាំ២០២៣ អ្នកភូមិបឹងទាំង ក្មេងចាស់ ប្រុសស្រី បាននាំគ្នារៀបចំខ្លួន តុបតែងកាយប្លែកៗ ក្នុងការប្រារព្ធធ្វើពិធី «បុណ្យហែអ្នកតាព្រីងក្អែក» ដើម្បីសុំទឹកភ្លៀង និងសុំសេចក្ដីសុខចម្រើន ដល់មនុស្សសត្វទាំងពួក ហើយពិធីបុណ្យនោះ ត្រូវបានអ្នកភូមិបឹង ប្រារព្ធធ្វើឡើងជារៀងរាល់ឆ្នាំ ក្នុងរយៈពេលពីរថ្ងៃ គឺថ្ងៃទី២៣ និងថ្ងៃទៅ២៤ ខែឧសភា ឆ្នាំ២០២៣ នៅក្នុងភូមិបឹង សង្កាត់ពញាពន់ ខណ្ឌព្រែកព្នៅ រាជធានីភ្នំពេញ៕

ប្រភព៖ ក្រសួងព័ត៌មាន

សូមទស្សនារូបភាពខាងក្រោម៖