ខ្សែប្រយុទ្ធ Alvaro Morata បានទៅដល់ប្រទេសអុីតាលីហើយដើម្បីទៅចូលរួមជាមួយក្រុម Juventus ក្រោមលក្ខខណ្ឌខ្ចីជើង១រដូវកាលពីក្រុម Atletico Madrid ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយសារតែមិនអាចយក Suarez បាន ក្រុម Juventus ក៏បានស្នើខ្ចីជើងកីឡាករ Morata ពីក្លិប Atletico Madrid វិញ។ ជាលទ្ធផលពួកគេអាចទិញជើងកីឡាករអេស្ប៉ាញនេះបានក្នុងតម្លៃ១០លានអឺរ៉ូក្នុង១រដូវកាល ជាជាមួយលក្ខខណ្ឌទិញផ្តាច់បន្ទាប់ពីចប់កុងត្រាខ្ចីជើងនេះថែមទៀតផង។
កីឡាករ Morata នឹងធ្វើតេស្ដសុខភាពនៅថ្ងៃនេះ ហើយថ្ងៃស្អែកនឹងបង្ហាញខ្លួនក្នុងនាមជាកីឡាករ Juventus តែម្ដង។ រំលឹកថាខ្សែប្រយុទ្ធវ័យ២៧ឆ្នាំនេះធ្លាប់លេងឱ្យក្រុម Juventus ម្ដងហើយ ប៉ុន្តែត្រូវក្រុម Real Madrid យកទៅវិញ មុនពេលផ្លាស់ទៅលេងនៅ Atletico Madrid ។ ដោយឡែករដូវកាលនេះ រូបគេក៏ត្រលប់មកលេងនៅអុីតាលីម្ដងទៀត ដោយសហការគ្នាជាមួយ Ronaldo ម្ដង៕
ប្រភព៖ Marca