ក្រុមបិសាចក្រហម Manchester United បង្ខំចិត្តលែងប្រមាញ់យកកីឡាករ Dominic Calvert-Lewin ពីក្រុម Everton ដោយសារតែក្លិប Everton ដាក់តម្លៃខ្លួនកីឡាកររូបនេះរហូតទៅដល់ ៨០ លានផោនតាំងពីមុនកីឡាកររូបនេះស៊ុតបាន Hat-Trick ក្នុងជំនួបរវាងក្រុម Everton ទល់នឹងក្រុម West Brom កាលពីសប្តាហ៍មុនមកម្ល៉េះ។
សារព័ត៌មាន The Sun បានឲ្យដឹងថាក្រុម Manchester United កំពុងតែសម្លឹងរកខ្សែប្រយុទ្ធដ៏មុតស្រួចដើម្បីមកប្តូរកន្លែងលេងជាមួយនឹងកីឡាករ Anthony Martial ប៉ុន្តែពេលនេះ Manchester United ត្រូវដកចិត្តពីកីឡាករ Calvert-Lewin ដោយសារតែតម្លៃខ្លួនថ្លៃពេក។
គួរបញ្ជាក់ផងដែរថា កីឡាករ Calvert-Lewin បានបង្ហាញទម្រង់លេងយ៉ាងល្អនាដើមរដូវកាលនេះដោយបានជួយ Everton យកឈ្នះទៅលើក្រុម Tottenham ក៏ដូចជាស៊ុតបាន Hat-Trick ក្នុងជំនួបជាមួយ West Brom ទៀតផង៕