ប្រកួតនៅជុំទី ១ ក្របខ័ណ្ឌ Serie A ក្លិប Juventus ដែលដឹកនាំដោយលោក Andrea Pirlo រកបាន ៣ ពិន្ទុពេញ តាមរយៈការរកបាន ៣ គ្រាប់ទល់ក្លិប Sampdoria កាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស៣គ្រាប់នោះគឺជាការសម្រេចទីដោយកីឡាករ Dejan Kulusevski នៅនាទី ១៣ មុនពេលខ្សែការពារ Leonardo Bonucci បន្ថែមគ្រាប់បាល់ទី ២ នៅនាទី ៧៨ និងបិទគ្រាប់បាល់ទី ៣ ដោយ Cristiano Ronaldo មុនប៉ុន្មាននាទីបញ្ចប់ការប្រកួត។
ក្រោមការដឹកនាំរបស់គ្រូថ្មី ទម្រង់លេងមើលទៅឃើញ Juventus ហាក់មានការវាយសម្រុកខ្លាំង ដោយយប់មិញស៊ុតចំគោលដៅ ៨ លើក ក្នុងចំណោមការស៊ុត ២០ លើក និងមានការបញ្ជូនបាល់ ៧២៨ លើក អត្រាជោគជ័យមានដល់ ៨៩ ភាគរយឯណោះ។
គួរបញ្ជាក់ផងដែរថា ប្រកួតបន្តបន្ទាប់ Juventus នឹងប្រឈមមុខប៉ះសុទ្ធតែក្រុមខ្លាំង មានដូចជាម្ចាស់ផ្ទះ Roma នៅថ្ងៃទី ២៨ កញ្ញា មុនតតាំង Napoli នៅថ្ងៃទី ៥ តុលា៕