ទេសភាពស្រស់ស្អាតអមជាមួយផ្ការីកស្គុះស្គាយ ធ្វើឱ្យ «សួនលួងចិត្ត» នៃទឹកដីកំពង់ស្ពឺ កំពុងទាក់ចិត្តអ្នកកម្សាន្តនារដូវភ្ជុំនេះ

កំពង់ស្ពឺ៖ ដោយសារតែថ្ងៃឈប់សម្រាកនៃពិធីបុណ្យភ្ជុំបិណ្ឌកាន់តែកៀកខិតចូលមកដល់ក្នុងពេលដ៏ខ្លីខាងមុខនេះ ខ្មែរឡូត សូមជ្រើសរើសយករមណីយដ្ឋានថ្មីមួយយ៉ាងស្រស់ស្អាតនៅឯខេត្តកំពង់ស្ពឺដើម្បី ឱ្យប្រិយមិត្តដែលមិនទាន់រៀបគម្រោងដើរលេងអាចពិចារណាលៃលកបាន។

រមណីយដ្ឋានមួយនេះមានឈ្មោះថា «សួនលួងចិត្ត»  ដែលស្ថិតនៅតាមបណ្តោយផ្លូវជាតិលេខ៤ ក្នុងចន្លោះបង្គោលគីឡូម៉ែតលេខ ៩៧ និង ៩៨។ ចំពោះបរិវេណរបស់រមណីយដ្ឋានមួយនេះគឺមានទំហំធំទូលាយដែលពោរពេញទៅដោយសួនផ្កាច្រើនប្រភេទរីកស្គុះស្គាយចម្រុះពណ៌អមជាមួយនឹងទេសភាពភ្នំនៅជុំវិញបង្កើតបានជា Background មួយយ៉ាងទាក់ទាញបំផុតសម្រាប់អ្នកដែលចូលចិត្តថតរូបលេងកម្សាន្ត។

ក្រៅពីនេះ «សួនលួងចិត្ត» ក៏មានទីតាំងសម្រាប់ភ្ញៀវថតតែងស្លៀកឈុតបែបបុរាណស្អាតៗជាមួយនឹងការជួលសម្លៀកបំពាក់ត្រឹមតែ ១ម៉ឺនរៀលប៉ុណ្ណោះសម្រាប់មនុស្សម្នាក់។

ចង់ដឹងថាទេសភាពនៅក្នុង «សួនលួងចិត្ត» ស្រស់ស្អាតដល់កម្រិតណា សូមទស្សនារូបភាពខាងក្រោម៖