សុខភាព៖ ប្រសិនបើត្រឡប់ទៅកាន់ កាលពី១០ឆ្នាំមុន សម្រាប់អ្នកដែល ទទួលទានសត្វល្អិត វាអាចជារឿងដែលចម្លែក នឹងត្រូវអ្នករាល់គ្នា គិតថាគួរឲ្យខ្ពើមរអើម ជាមិនខាននោះទេ មិនតែប៉ុណ្ណោះ នឹងត្រូវបានហាមប្រាណ មិនឲ្យទទួលទាន បន្តទៀតក៏មានដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក៏ប៉ុន្តែ បើក្រឡេកមកមើល ក្នុងពេលបច្ចុប្បន្ន យើងអាចសង្កេតឃើញ មានសត្វល្អិតលីង បំពង មានការដាក់លក់ជាច្រើន នៅតាមបណ្តោយផ្លូវនានា ហើយមិនតែប៉ុណ្ណោះសត្វល្អិតទាំងនោះ ក៏មិនមែនមានតម្លៃ ថោកនោះដែរ។
បើទោះបីជា មើលទៅតាមរូបរាងខាងក្រៅ យល់ថាសត្វល្អិតទាំងនោះ មិនគួរឲ្យចង់ទទួលទាន ក៏ពិតមែន តែប្រសិនបើអ្នក បានសាកល្បងទទួលទាន ប្រាកដជាយល់ថាឆ្ងាញ់ និងជាប់ចិត្ត ជាក់ជាមិនខាននោះទេ។ ម្យ៉ាងវិញទៀត ក្នុងសត្វល្អិតទាំងនោះ ក៏សម្បូរទៅដោយ សារធាតុចិញ្ចឹម ដែលមនុស្សជាច្រើន យល់ថារសជាតិ ពិតជាពិសេសខ្លាំងតែម្តង៕
តោះខាងក្រោមនេះគឺជាអត្ថប្រយោជន៍ដ៏អស្ចារ្យដែលមានក្នុងសត្វល្អិតបំពង៖
១. សម្បូរប្រតេអ៊ីន ក្នុងសត្វល្អិតឆៅ ចំនួន១០០ក្រាម មាន៩-៦៥ក្រាម នៃប្រូតេអ៊ីន។ វាក៏អាស្រ័យតាម ប្រភេទសត្វល្អិត ដែលអ្នកទទួលទានផងដែរ។ សត្វល្អិតដែលផ្តល់ប្រូតេអ៊ីនច្រើន ជាងគេបំផុតនោះគឺ សត្វកណ្តូប និងសត្វពីងពាង ហើយប្រូតេអ៊ីន ដែលមានផ្ទុក ក្នុងសត្វល្អិតទាំងនោះ គឺស្រដៀងទៅនឹងប្រូតេអ៊ីន ដែលមាននៅក្នុងពងមាន់ ឬក៏១០០ក្រាមនៃសត្វជ្រូក ចំណែកសត្វដង្កូវដួង សម្បូរទៅដោយ ប្រតេអ៊ីនខ្ពស់ខ្លាំងផងដែរ ក្នុងចំណោមសត្វល្អិតទាំងអស់។

២. វាបញ្ចុះកូឡេស្តេរ៉ុល។ តើអ្នកជឿថា សត្វល្អិតមានផ្ទុកChitin (ឈីនទិន) ទេ? នៅពេលដែលChitin ត្រូវបានរំលាយធ្វើឲ្យ ផ្នែកខ្លះរបស់វា ក្លាយទៅជាchitosan ហើយវាក៏ភ្ជាប់គ្នា ទៅនឹងខ្លាញ់។ បន្ទាប់មកធ្វើឱ្យ កម្រិតកូលេស្តេរ៉ុលរបស់យើង ធ្លាក់ចុះមិនគួរឱ្យជឿ។

៣. ជួយទប់ទល់នឹង ការឆ្លងមេរោគផ្សិត ក្នុងបំពង់រំលាយអាហារ។ ហើយនេះក៏ជា លទ្ធផលនៃChitin និងChitosan ផងដែរ។

៤. សត្វល្អិតគឺជា ប្រភពចំណីអាហារល្អ និងមានតំលៃសមរម្យ សម្រាប់ប្រជាពលរដ្ឋ ដែល រស់នៅតំបន់ ដាច់ស្រយាល។ នេះបើតាមរបាយការណ៍ ពីអង្គការស្បៀង អាហារពិភពលោកឬ FAO ស្តីពី«សត្វល្អិតដែលអាច បរិភោគបាន។ វាគឺជាក្តីសង្ឃឹម នៃអនាគតសម្រាប់ សន្តិសុខស្បៀង និងចំណីអាហារ។»

៥. ក្រៅពីមានជាតិ ប្រូតេអ៊ីនខ្ពស់ ដែលងាយស្រួល រស់នៅ វាក៏សំបូរទៅដោយ ជាតិរ៉ែផ្សេងៗទៀត ដូចជាផូស្វ័រ ប៉ូតាស្យូម និងវីតាមីន B ផងដែរ។