យល់ដឹង៖ លៀសហាលគឺជា អាហារមួយប្រភេទ ដែលជាទីពេញនិយមខ្លាំង នៃប្រជាជនខ្មែរ មិនថានៅតាមទីជនបទ ឬនៅក្នុងទីក្រុងភ្នំពេញនោះទេ ហើយអ្វីដែលអាចធ្វើឲ្យលៀសហាល មានការពេញនិយមខ្លាំងនោះ ក៏ព្រោះតែវាមានរសជាតិឆ្ងាញ់ ហើយមានតម្លៃសមរម្យផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្វីត្បិតតែលៀសហាល ជាប្រភេទអាហារ ដែលពេញនិយមហើយមាន តម្លៃថោកក៏ដោយ តែវាក៏ជាអាហារមួយប្រភេទ ដែលមានផលប៉ះពាល់ ដល់សុខភាពយើងដូចគ្នា។ អ្នកដែលនិយមទទួលទាន នៅលៀសហាលធ្វើជា អាហារប្រចាំថ្ងៃមួយចំនួន ប្រហែលជាមិនបាន ចាប់អារម្មណ៍ឬ មិនទាន់បានដឹងពី គុណវិបត្តិមួយចំនួន នៃលៀសហាល ចំពោះសុខភាព នៅឡើយនោះទេ។
នៅថ្ងៃនេះខ្មែរឡូត នឹងនាំអារម្មណ៍ ប្រិយមិត្តទាំងអស់គ្នា ទៅស្វែងយល់ពី ផលប៉ះពាល់មួយចំនួន ដែលបណ្តាលមកពី ការបរិភោគលៀសញឹកញាប់៕
សូមទៅតាមដានទាំងអស់គ្នា៖
១. កង្វះអនាម័យ
យើងគ្រប់គ្នា ប្រាកដជាដឹងហើយថា លៀសហាលគឺ ត្រូវទាមទារឲ្យមាន នៅការដាក់ហាល នៅក្រោមកម្តៅថ្ងៃ ឲ្យបានគ្រប់គ្រាន់ ទើបអាចទទួលទានបាន ដូច្នេះហើយទើបបានជា គេសង្កេតឃើញថា លៀសហាលដែលដាក់លក់ នៅតាមផ្លូវជាច្រើន ត្រូវបានដីហុយចូល ដែលវាជាហេតុដែលធ្វើឲ្យ បាក់តេរីកង្វក់ជាច្រើន ហុយទៅទំ នៅលើលៀស ទាំងនោះ ហើយនៅពេលដែល យើងទទួលទានចូលទៅ វាក៏អាចនឹងធ្វើឲ្យយើង មានបញ្ហា ដូចជា រាគរូស ចុកមួល ជាដើម។ល។
២. សម្បូរពពួកប៉ារ៉ាស៊ីត
ដូចដែលយើង បានដឹងស្រាប់ហើយថា លៀសហាលភាគច្រើន គឺមិនបានចម្អិនឡើយ គឺគ្រាន់តែយកទៅ ប្រលាក់ជាមួយ អំបិលម្ទេស ហើយយកទៅ ដាក់ហាលថ្ងៃតែប៉ុណ្ណោះ ដូច្នេះពងព្រូន ពងតេនញ៉ា ដែលរស់នៅក្នុងសត្វទាំងនោះ វាមិនអាចងាប់ឡើយ ព្រោះពពួកប៉ារ៉ាស៊ីតទាំងនេះ ត្រូវប្រើកម្តៅរាប់រយអង្សាសេ ដោយការដាំទឹកឲ្យពុះ រយៈពេល១៥នាទី។ ដូច្នេះហើយ នៅពេលដែលយើងទទួលទាន នៅពពួកប៉ារ៉ាស៊ីតចូលទៅ វានឹងបន្តរស់នៅ ក្នុងពោះយើង ហើយអាចបង្ក ឲ្យមានរោគសញ្ញា ដូចជា ឈឺពោះ ស្គម ស្លេកស្លាំង ជាដើម។ បន្ទាប់មក នៅពេលដែល វាផ្តាច់ចេញជាកង់ៗ រួចធ្លាក់មកទំខោទ្រនាប់ សត្វល្អិតនោះនឹងធ្វើឲ្យយើង មានរោគសញ្ញារមាស់គូទ។ បន្ថែមពីនេះទៀត មានកូនតេនញ៉ាខ្លះ ធ្វើចលនាចូលទៅដល់ ខួរក្បាល ដែលបង្កឲ្យមានជា ជំងឺប្រកាច់ ឬមានលក្ខណៈសដៀងនឹង មនុស្សមានជំងឺឆ្កួតជ្រូក។ ហើយប្រសិនបើ វាបន្តនៅក្នុងពោះវៀន របស់យើង សារជាតិទាំងឡាយ ដែលមានសារសំខាន់ ជួយទ្រទ្រង់រាងកាយ តេនញ៉ានឹងស្រូបយក សារធាតុទាំងអស់នោះ ធ្វើឲ្យសុខភាពមាន ការចុះខ្សោយ និងស្គមរីងរៃផងដែរ។
៣. ប៉ះពាល់សុខភាពអ្នកមានផ្ទៃពោះ
លៀសជាសត្វ ដែលរស់នៅ កន្លែងមិនល្អ ហើយវាខំជាប់ដី នៅក្នុងសាច់របស់វា ដូច្នេះនៅពេលដែលយើង បរិភោគទៅអាចបង្កឲ្យ មានជាការរាគរូស ពុល ក្អួតជាដើម។ ហើយប្រសិន បើអាការៈនេះកើតមាន ចំពោះអ្នកមានផ្ទៃពោះ ដែលកំពុងតែមានសុខភាព ខ្សោយទៀតនោះ អាចបណ្តាលឲ្យរលូត ឬសុខភាពកូន ក្នុងផ្ទៃចុះខ្សោយ ជាងធម្មតា។ ម្យ៉ាងវិញទៀត លៀសគ្មានវីតាមីន សម្រាប់យកទៅចិញ្ចឹម ផ្គត់ផ្គង់កូនក្នុងផ្ទៃនោះឡើយ។ ចំពោះអ្នកដែលមាន ផ្ទៃពោះដែលឧស្សាហ៍ ទទួលទានលៀសហាល ចម្អិន មិនបានឆ្អិនល្អ ស្បែកមុខ ដងខ្លួន និងកើតមាននៅសភាព កន្ទួលរមាស់ ជាដើម។
ប្រភពពី៖ HelloKrupet
Bong I.T