ភ្នំពេញ៖ អតីតតារាចម្រៀងស្រី ដែលមានទឹកដមសម្លេងផ្អែមស្រទន់ អ្នកនាង អេន ជី បច្ចុប្បន្ន នាងហាក់ជោគជ័យក្នុងជីវិតអាពាហ៍ពិពាហ៍ខ្លាំង រហូតអ្នកគាំទ្រមិនសូវឃើញនាង លេចមុខក្នុងរង្វង់សិល្បៈច្រើនស្ទើរតែទាំងស្រុង តាំងពីរៀបការជាមួយស្វាមីរស់នៅយ៉ាងមានក្ដីសុខមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកន្លងទៅច្រើនឆ្នាំ ចំណងស្នេហ៍ របស់តារាស្រីរូបនេះនិងស្វាមី កាន់តែល្អូកល្អើននឹងគ្នាពីមួយថ្ងៃទៅមួយថ្ងៃគួរឲ្យកត់សម្គាល់ ពិសេសនៅពេលនេះ ប្ដីប្រពន្ធមួយគូនេះ ក៏កំពុងមានដំណក់ឈាមលើកដំបូងរួមគ្នា ដោយ អេន ជី កាន់តែពរពោះធំទៅៗជិតដល់ថ្ងៃសម្រាលទៅហើយ រីឯស្វាមីក៏កាន់តែមើលថែ ថ្នាក់ថ្នមគ្រប់សព្វតែម្ដង។
ដោយឡែក កាលពីម្សិលមិញនេះ ក៏ជាថ្ងៃពិសេសរបស់តារាចម្រៀង អេន ជី ផងដែរ ដោយយើងឃើញថា គេពុំមានរៀបចំកម្មវិធីអ្វីធំដុំច្រើននោះឡើយ តែសម្រាប់បរិយាកាសថ្ងៃនោះទាំងមូល គឺពោរពេញទៅដោយភាពសប្បាយរីករាយ ដោយឃើញមានវត្តមានស្វាមីអ្នកនាង មិត្តភក្ដិ និងសមាជិកគ្រួសារជាច្រើនទៀត បានមកចូលរួម សម្ដែងក្ដីរីករាយ និងអបអរសាទរក្នុងថ្ងៃពិសេសរបស់តារារូបនេះយ៉ាងកក់ក្ដៅទៀតផង ពិសេសនាងក៏ទទួលបានការជូនកាដូអនុស្សាវរីយ៍ ជារបស់មានតម្លៃ រួមនឹងបាច់ផ្កាជាច្រើន។
យ៉ាងណាមិញ តាមរយៈរូបភាពជាច្រើនរបស់ អេន ជី ដែលបានបង្ហោះនៅលើបណ្ដាញសង្គម យើងក៏ឃើញ មានអ្នកគាំទ្រជាច្រើន បានផ្ញើពាក្យជូនពរនាងហូរហែរ បើទោះបីជាឆ្នាំនេះ នាងមិនបានរៀបចំកម្មវិធីធំអធិកអធម តែយ៉ាងណា គ្រួសាររបស់នាងក៏បានរៀបចំឲ្យយ៉ាងពេញចិត្តផងដែរ៕
ទស្សនារូបភាពខាងក្រោម៖