យល់ដឹង៖ ហ្គាសគឺជា សារធាតុគីមីម្យ៉ាង ដែលងាយស្រួល នឹងផ្ទុះបង្កឲ្យមានជា គ្រោះថ្នាក់យ៉ាងខ្លាំងបំផុត ម្យ៉ាងវិញទៀត សព្វថ្ងៃនេះហ្គាសក៏ជា តម្រូវការប្រើប្រាស់ ក្នុងផ្ទះបាយជាចាំបាច់ សម្រាប់ជួយដល់ ការចំអិនម្ហូប តែប្រសិនបើខ្វះ នៅការប្រុងប្រយ័ត្ន តែបន្តិចនោះវា អាចបង្កឲ្យក្លាយទៅជា ហានិភ័យឆាបឆេះ នាំឲ្យមានគ្រោះថា្នក់ ដោយមិនដឹងខ្លួនបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
តើត្រូវធ្វើយ៉ាង ដូចម្តេចដើម្បីរួចខ្លួន ប្រសិនបើ អ្នកកំពុងជាប់គាំង នៅក្នុងផ្ទះ ដែលកំពុង តែមានភ្លើងឆេះ?ជាការពិត នៅពេលដែល មានអគ្គីភ័យកំពុងតែឆាបឆេះ អ្នកណាក៏ដូចជាអ្នកណា ដែលប្រាកដជា មានការភ័យស្លន់ស្លោរ បាត់បង់ស្មារតី ជាក់ជាមុនខាននោះទេ។ តែក្នុងខណៈពេលដែល មានគ្រោះថ្នាក់បែបនោះ ដាច់ខាចអ្នក ត្រូវតែព្យាយាម ពង្រឹងសា្មរតីឡើងវិញ ហើយព្យាយាម គិតរកមធ្យាបាយ រត់ចេញពីកន្លែង ដែលកំពុងតែមានភ្លើងឆេះនោះ ដើម្បីទៅរកទីកន្លែង មានសុវត្ថិភាពផងដែរ។
ពេលនេះខ្មែរឡូត នឹងនាំប្រិយមិត្តទាំងអស់ គ្នាទៅដឹងអំពីវិធីសាស្ត្រមួយចំនួន ដែលអាចជួយ ដើម្បីការពារក៏ដូចជា រត់ចេញពីកន្លែងដែល មានភើ្លងកំពុងតែឆេះ
តោះចង់ដឹងថា មានវិធីសាស្ត្រអ្វីខ្លះ សូមទៅតាមដានទាំងអស់គ្នា៖
១៖ ប្រសិនបើមាន ភ្លើងកំពុងតែ ឆាបឆេះខ្លាំង អ្នកត្រូវអោនវារទាប នៅក្រោមផ្សែង វិធីនេះវាអាចជួយឲ្យ អ្នកមានភាពងាយស្រួល ក្នុងការដកដង្ហើមបាន ព្រោះថាបើ អ្នកនៅកាន់តែខ្ពស់ អ៊ុកស៊ីសែនកាន់តែខ្សត់ ដែលអាចធ្វើឲ្យអ្នក ពិបាកដកដង្ហើម។
២៖ ប្រសិនបើនៅជិតខ្លួន មានសម្លៀកបំពាក់ឬភួយ ត្រូវយកវាទៅជ្រលក់ ជាមួយទឹកឲ្យសើម ហើយយកមកដណ្តប់លើខ្លួន ដើម្បីកាត់បន្ថយភាពក្តៅ និងការឆាបឆេះ ពីភ្លើងបានខ្លះ។
៣៖ ជ្រលក់កន្សែង ឬក្រណាត់ជាមួយទឹកឲ្យសើម ហើយយកមកខ្ទប់ច្រមុះ ដើម្បីសម្រួលដល់ ការដកដង្ហើមខណៈពេល ដែលកំពុងតែមានផ្សែងខ្លាំង។ ព្រោះបើមិនយកក្រណាត់ មកខ្ទប់ច្រមុះបែបនេះទេ យើងអាចនឹងពិបាកដកដង្ហើម ដោយសារតែបរិកាសនោះ គឺពោរពេញទៅដោយផ្សែង ដែលវាបានកាត់បន្ថយ អ៊ុកស៊ីសែន ធ្វើឲ្យយើងវង្វេងស្មារតី ហើយអាចនាំឲ្យយើង សន្លប់បានផងដែរ។ ថ្វីត្បិតតែអាចជួយបានខ្លះ តែវិធីសាស្ត្រនេះ អាចជួយអ្នកបាន តែមួយ១នាទីប៉ុណ្ណោះ មិនមែនជា ពេលវេលាច្រើនទេ។
៤៖ ករណីប្រសិនបើ មានភ្លើងឆាបឆេះលើខ្លួន ជនរងគ្រោះគួរតែ បន្ទាបខ្លួន ហើយននាលលើដី ឬកម្រាលឥដ្ឋ ព្រោះវាជួយពន្លត់ភ្លើងនោះបាន។
៥៖ ប្រសិនបើ អ្នកនៅក្នុងបន្ទប់ ជាន់ខាងលើនៃផ្ទះ ហើយមានអគ្គីភ័យ រារាំងអ្នកមិនឲ្យចេញពីបន្ទប់ សូមបិទទ្វារដើម្បី ការពារខ្លួនអ្នក ពីផ្សែងដោយព្យាយាម យកក្រណាត់ ឬស្កុតមកបិទចន្លោះណា ដែលផ្សែងអាចចូលមកបាន។ អ្នកត្រូវចាំថា នៅពេលដែលមានអគ្គីភ័យ មនុស្សយើងត្រូវបាន រងគ្រោះដោយសារផ្សែង មុនភ្លើងមកដល់។ ដូច្នេះក្នុងកាលៈទេសៈនោះ ប្រសិនបើអ្នកស្ទាបគន្លឹះទ្វារក្តៅ ឬមានផ្សែងខ្លាំងពីខាងក្រៅហើយនោះ ត្រូវព្យាយាមរត់គេច ចេញតាមបង្អួច បើសិនជាអាច តែត្រូវមានការប្រុងប្រយ័ត្នផងដែរ។
៦៖ ទិញបំពុងពន្លត់អគ្គីភ័យ ទុកនៅក្នុងផ្ទះ ករណីមានភ្លើងឆាបឆេះល្មមៗ យើងអាចប្រើ ដើម្បីបាញ់ពន្លត់ភ្លើង រត់ភៀសខ្លួនចេញ មកខាងក្រៅបាន។
យ៉ាងណាមិញ ខាងលើនេះ គ្រាន់តែជាវិធីសាស្ត្រ ការពារខ្លួនមួយចំនួន នៅពេលដែល អ្នកនៅក្នុងអគ្គីភ័យ តែប៉ុណ្ណោះ តែអ្វីដែលចាំបាច់ខ្លាំង ជាងនេះនោះគឺ ត្រូវតែចេះប្រុងប្រយ័ត្ត និងការពារទើបជារឿងសំខាន់ ការពារប្រសើរជាងព្យាបាល ការប្រើប្រាស់ហ្គាសនៅតាមផ្ទះ និងជាពិសេស នៅតាមផ្ទះដែល កំពុងតែបើកអាជីវកម្ម បញ្ចូលហ្គាសនេះផងដែរ៕
Bong I.T