ភ្នំពេញ៖ លោក អេ ភូថង ជាអតីតកំពូលអ្នកប្រដាល់ដ៏ល្បីឈ្មោះប្រចាំប្រទេសកម្ពុជា។ លោកមានកូនស្រីច្បងម្នាក់ មានឈាមជ័រជាអ្នកប្រដាល់តាំងពីដើមមក និងបានស្នងត្រកូលជាអ្នកប្រដាល់បន្តជំនួសលោក គឺកីឡាការិនី អេ យ៉ានុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបច្ចុប្បន្ន កីឡាការិនី អេ យ៉ានុត ទើបតែមានវ័យត្រឹម១៩ឆ្នាំទេ តែនាងធ្លាប់បានចេញទៅប្រកួតនៅក្រៅប្រទេស ដោយដើរតាមគន្លងឪពុករបស់ខ្លួនសម្រាប់មុខមាត់ប្រទេសក្នុងវិស័យប្រដាល់។
ដោយឡែក កាលពីម្សិលមិញ កីឡាការិនី អេ យ៉ានុត បានសម្រេចចិត្តបញ្ចប់ភាពនៅលីវ ដោយបានភ្ជាប់ពាក្យជាមួយបុរសវ័យក្មេងរូបសង្ហារម្នាក់មានឈ្មោះថា លៀប ប៉ហេង។ ហើយអ្វីដែលគួរឲ្យសរសើរនោះ អនាគតកូនប្រសារ អេ ភូថង រូបនេះគឺមានតួនាទីជាមន្ត្រីនគរបាលម្នាក់ ដែលកំពុងបម្រើការងារក្នុងជួររដ្ឋាភិបាលនាពេលបច្ចុប្បន្នផងដែរ។
សូមទស្សនារូបភាពខាងក្រោម៖
ក្រឡេកមើល នៅក្នុងពិធីភ្ជាប់ពាក្យរបស់កីឡាការិនីរូបនេះវិញ សង្កេតឃើញថា មានភ្ញៀវជាច្រើនចូលរួមអបអរសាទរដល់អ្នកទាំងពីរជាមួយនឹងការរៀបចំកម្មវិធីយ៉ាងសន្ធឹងសន្ធាប់ នៅឯគេហដ្ឋានរបស់លោក អេ ភូថង ផងដែរ ។
គួរបញ្ជាក់ផងដែរថា កីឡាការិនី អេ យ៉ានុត មានឈ្មោះបោះសំឡេងនៅក្នុងវ័យកីឡាប្រដាល់មិនចាញ់ឪពុករបស់ខ្លួននោះទេ ដែលកន្លងមកសង្កេតឃើញថាកីឡាការីរូបនេះធ្លាប់បានទៅចូលរួមនៅឯក្រៅប្រទេសផងដែរ ហើយនាងបានប្ដេជ្ញាថា នឹងបន្តអាជីពជាអ្នកប្រដាល់នេះដោយមិនបោះបង់នោះឡើយ៕