Cristiano Ronaldo គឺជាកីឡាករបាល់ទាត់ដ៏សង្ហាបំផុតម្នាក់នៅលើពិភពលោក។ ដូច្នេះហើយ វាមិនមែន​ជារឿង​គួរឱ្យភ្ញាក់ផ្អើលទេដែលស្រីស្អាតៗនៅលើពិភពលោកចង់ធ្វើជាមិត្តស្រីរបស់គាត់។ ពេលនេះ យើងនឹងបង្ហាញ​នូវ​បញ្ជី​ឈ្មោះ​មិត្ត​ស្រី​ទាំង​ផ្លូវការ និងក្រៅផ្លូវការទាំងអស់របស់ Cristiano Ronaldo ចាប់តាំងពីគាត់ពេញវ័យនៅឆ្នាំ ២០០២​។

មិត្តស្រីផ្លូវការរបស់ Cristiano Ronaldo

១. Jordana Jardel 

មិត្តស្រីដែលគេកត់សម្គាល់ដំបូងរបស់ Ronaldo ក្នុងនាមជាកីឡាករអាជីពគឺ Jordana Jardel ដែលមាន​បងប្រុស​ជាមិត្តរួមក្រុមរបស់គាត់នៅ Sporting Lisbon ឈ្មោះ Mario Jardel ។ នាងជាតារាបង្ហាញម៉ូត​ជនជាតិប្រេស៊ីល​បានទាក់ទងជាមួយគាត់កាលពីឆ្នាំ ២០០៣ ។

២. Merche Romero

Romero ជាតារាម៉ូដែលសញ្ជាតិព័រទុយហ្កាល់ និងជាពិធីករទូរទស្សន៍បានណាត់ជួប Ronaldo កាលពីខែ មករា ឆ្នាំ ២០០៥ ដល់ខែ កញ្ញា ឆ្នាំ ២០០៦ ដែលជាមិត្តស្រីមានរយៈពេលវែងម្នាក់របស់គាត់ ពេលដែលគាត់លេងនៅ​អង់គ្លេសឱ្យក្លឹប Manchester United ។

៣. Gemma Atkinson

នាងជានារីម៉ូដែលជនជាតិអង់គ្លេសតែម្នាក់គត់ដែល Ronaldo បានផ្សារភ្ជាប់ទំនាក់ទំនងជាមួយយ៉ាងរ៉ូមែនទិក។ អ្នកទាំងពីរបាននៅជាមួយគ្នាតែមួយរយៈខ្លីប៉ុណ្ណោះអស់រយៈពេល ៤ ខែ នៅដើមឆ្នាំ ២០០៧ ។

៤. Nereida Gallardo

នៅដើមឆ្នាំ ២០០៨ Ronaldo បានសម្រេចចិត្តផ្លាស់ទៅកាន់ Real Madrid និងមានទំនាក់ទំនងជាមួយ​តារា​ម៉ូដែល​អេស្បា៉ញខាងលើនេះ។ ទោះជាយ៉ាងណាទំនាក់ទំនងរបស់ពួកគេត្រូវបញ្ចប់មិនបានកន្លងផុតដល់រដូវក្តៅផង។

៥. Irina Shayk

Ronaldo មានទំនាក់ទំនងយ៉ាងយូរអង្វែងជាមួយ Irina Shayk ។ គាត់បានណាត់ជួបតារាម៉ូដែលរុស្សីនេះ ពេលដែលនាងត្រូវបានរំលេចលើទំំំព័រមុខក្នុងឈុតហែលទឹករបស់គេហទំព័រ Sports Illustrated ។ អ្នកទាំង ២ បានរស់នៅជាមួយគ្នាជិត ៥ ឆ្នាំតាំងពីឆ្នាំ ២០១០ ហើយទីបំផុតបានបែកបាក់គ្នានៅខែ មករា ឆ្នាំ ២០១៥ ។

៦. Lucia Villalon

មិត្តស្រីបន្ទាប់របស់ Ronaldo ក្រោយបែកបាក់ជាមួយ Shayk នៅដើមឆ្នាំ ២០១៥ គឺអ្នកនាង Villalon ដែល​ជាអ្នកយកព័ត៌មានទូរទស្សន៍អេស្បា៉ញ។ ទំំំនងទំនងរបស់ពួកគេមិនមានរយៈពេលយូរទេ ប្រហែលជាមកពីនាង​មិន​មែន​ជាតារាម៉ូដែលហើយមើលទៅ។

៧. Georgina Rodriguez

ម្តាយកូនទី ៤ របស់ Ronaldo គឺអ្នកនាង Rodriguez ដែលបានចាប់ផ្តើមមានទំនាក់ទំនងស្នេហា​ជាមួយគាត់​នៅឆ្នាំ ២០១៧ ។ Rodriguez គឺជាតារាម៉ូដែលសញ្ជាតិអេស្ប៉ាញ។ ទំនាក់ទំនងរបស់ពួកគេកាន់តែរឹងមាំពីមួយថ្ងៃ​ទៅ​មួយថ្ងៃមកដល់ពេលបច្ចុប្បន្ននេះ។

មិត្តស្រីក្រៅផ្លូវការរបស់ Cristiano Ronaldo

១. Karina Ferro

Ronaldo និងតារាម៉ូដែលព័រទុយហ្កាល់ Ferro ត្រូវបានគេរាយការណ៍ថាមានទំនាក់ទំនងស្នេហាជាមួយគ្នានៅឆ្នាំ ២០០២ មុនពេលគាត់ក្លាយជាកំពូលតារាបាល់ទាត់លំដាប់អន្តរជាតិ។

២. Soraia Chaves

អ្នកទាំងពីរត្រូវបានគេអះអាងថាមានទំនាក់ទំនងយ៉ាងខ្លីបន្ទាប់ពី Ronaldo នៅមានទំនាក់ទំនងជាមួយ Romero នៅឡើយ។ នាងជាតារាសម្តែង និងជាតារាម៉ូដែលព័រទុយហ្គាល់ និងត្រូវបានគេស្គាល់តាមរយៈការសម្តែង​ជាតួម៉ារីយ៉ា​នៅក្នុងខ្សែភាពយន្តរឿង Call Girl ដែលជាខ្សែភាពយន្តរកចំណូលបានខ្ពស់បំផុតនៅក្នុងប្រទេសព័រទុយហ្កាល់​កាល​ពីឆ្នាំ ២០០៧ ។

៣. Mia Judaken

នាងជាមិត្តភក្តិរបស់គ្រួសារត្រកូល Ronaldo និងត្រូវបានគេដឹងថាពេលនោះនាងមានអាយុទើបតែ ១៨ ឆ្នាំទេ ពេលដែលនាងមានទំនាក់ទំនងស្នេហាជាមួយ Ronaldo តែតារាឆ្នើមព័រទុយហ្កាល់រូបនេះបាន​បដិសេធ​ចំពោះ​ពាក្យចចាមអារាមនេះ។

៤. Gemma Storey និង Tyese Cunningham

អ្នកទាំងពីរត្រូវបានគេរាយការណ៍ថាជាផ្នែកមួយនៃគេហទំព័រសិច Poolside Orgy ដែលបានធ្វើឱ្យ Ronaldo ត្រូវបានពិន័យជាប្រាក់ជាង ៣.០០០ ដុល្លារចំពោះឧប្បត្តិហេតុមួយដែលបានកើតឡើង។

(មិនមានរូបភាពណាជាក់លាក់នោះទេ)

៥. Bipasha Basu

នាងជាតារាម៉ូដែល និងជាតារាសម្តែងជនជាតិឥណ្ឌា ហើយអ្នកទាំងពីរត្រូវបានគេដឹងថាមានទំនាក់ទំនងស្នេហា​ជាមួយគ្នា ខណៈដែល Basu កំពុងមានទំនាក់ទំនងស្នេហាជាមួយតារាឥណ្ឌាម្នាក់ទៀតនៅឡើយនាឆ្នាំ ២០០៧ ។

៦. Paris Hilton

អ្នកទាំងពីរត្រូវបានគេនិយាយថាធ្លាប់មានទំនាក់ទំនងគ្នា បន្ទាប់ពី Hilton ដែលជាតារាទូរទស្សន៍សញ្ជាតិអាមេរិក​បានបែកបាក់ជាមួយសង្សារកាលពីឆ្នាំ ២០០៩ ។

៧. Kim Kardashian

នាងត្រូវបានគេដឹងថាបានចំណាយពេលវិស្សមកាលជាមួយ Ronaldo កាលពីឆ្នាំ ២០១០ បន្ទាប់មកនាងក៏​បាន​បែក​បាក់ និងមានទំនាក់ទំនងថ្មីជាមួយ Kanye West ។

ប្រភព៖ The18.com