កូរ៉េខាងត្បូង ៖ ការស៊ើបអង្កេតរបស់ប៉ូលីស កំពុងតែធ្វើឡើង បន្ទាប់ពីពួកគេបានរកឃើញ កាមេរ៉ាបង្កប់មួយ នៅក្នុងបន្ទប់ទឹកស្ត្រី ផ្នែកខាងក្នុងនៃអាគារ KBS។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះបើយោងតាម របាយការពីស្ថានីយ៍ប៉ូលីស Seoul Yeongdeungpo បានឲ្យដឹងថា មានមនុស្សរាយការ កាលពីថ្ងៃទី ២៩ ខែឧសភា ថាមានឧបករណ៍ថតខុសច្បាប់មួយ ត្រូវបានរកឃើញ នៅក្នុងបន្ទប់ទឹកស្ត្រី ក្នុងអគារ KBS។ ចាប់តាំងពីពេលនោះមក ប៉ូលីសបានដកហូតឧបករណ៍នោះចេញ ហើយចាប់ផ្តើមការស៊ើបអង្កេត លើបញ្ហានេះ។
យ៉ាងណាមិញ កន្លែងដែលគេរកឃើញកាមេរ៉ាបង្កប់នោះ គឺនៅក្នុងឯអគារដែលធ្លាប់ជាផ្ទះល្វែង ត្រូវបានគេនិយាយថា វាជាកន្លែងសម្រាប់ហាត់សម មុននឹងឡើងសម្ដែងកម្មវិធី Gag Concert។
នៅថ្ងៃដែលកាមេរ៉ាបង្កប់ ត្រូវបានរកឃើញ តួសម្ដែងទាំងអស់បានប្រមូលផ្តុំគ្នា ដើម្បីធ្វើសមាធិចុងក្រោយ មុនពេលការសម្តែងចាប់ផ្តើម។
វាពិបាកដែរ ព្រោះអគារនេះ មិនមានបំពាក់កាមេរ៉ាសុវត្តិភាព នៅតាមសាលធំ ឬនៅជិតច្រកចូលបន្ទប់ទឹកទេ ដូច្នេះប៉ូលីសក៏មានការលំបាក ក្នុងការវិភាគ និងស្វែងរកអ្នកលួចបង្កប់នេះដែរ។
ក្នុងពេលជាមួយគ្នានេះដែរ បុគ្គលិករបស់ទូរទស្សន៍ KBS ជាច្រើននាក់ កំពុងបង្ហាញអារម្មណ៍សោកសៅ ចំពោះការរកឃើញនេះ។ ហើយពួកគេក៏បានចែករំលែក ដោយអនាមិក នៅតាមបណ្ដាញអ៊ីនធើណែតថា ៖
មានបុគ្គលិកម្នាក់និយាយថា ៖
ទោះបីជាយ៉ាងណាក៏ដោយ ប្រសិនបើប៉ូលីសរកឃើញ ជនសង្ស័យណាម្នាក់នោះ ជននោះនឹងត្រូវបានគេចោទប្រកាន់ ពីបទរំលោភលើច្បាប់ពិសេស ទាក់ទងនឹងបទឧក្រិដ្ឋផ្លូវភេទ។
ប្រភពពីស្ថាននីយ៍ទូរទស្សន៍ KBS បានបញ្ជាក់ថា ពួកគេមានបំណងអនុវត្ត តាមការស៊ើបអង្កេតរបស់ប៉ូលីស យ៉ាងសកម្ម ដើម្បីស្វែងរកជនដែលប្រព្រឹត្ត ហើយពួកគេនឹងអនុវត្តវិធានការណ៍នានា ដើម្បីការពារការកើតឡើងវិញ នៃឧប្បត្តិហេតុបែបនេះ៕