ប្រុសៗសុំខ្មាស! ក្មេងស្រីម្នាក់នេះ ទើបតែអាយុ១០ឆ្នាំទេ តែសាច់ដុំក្បាលពោះកង់ៗ

ចចជី៖ ក្មេងស្រីម្នាក់ឈ្មោះថា លីហ្សា ប្រុក ម៉ូយហ្សឺ អាយុ១០ឆ្នាំ មកពីប្រទេសចចជី តែងតែក្រោកពីគេងនៅវេលាម៉ោង៥:៣០នាទីព្រឹក ដើម្បីហាត់ប្រាណរក្សាសាច់ដុំក្បាលពោះ៦កង់ រយៈ៥ថ្ងៃក្នុងមួយសប្ដាហ៍ ដែលសរុបចំនួន៣០ម៉ោង។

អ្នកស្រី ជីល ម៉ូយហ្សឺ អាយុ៤២ឆ្នាំ ជាម្ដាយបានឲ្យដឹងថា កូនស្រីរបស់អ្នកស្រី បានចាប់ផ្ដើមហាត់កាយសម្ព័ន្ធ តាំងពីអាយុ៤ឆ្នាំមកម៉្លេះ ហើយគេមិនមានគម្រោងនឹងឈប់ហាត់នៅថ្ងៃអនាគតឡើយ។

ទន្ទឹមនឹងនេះដែរ អ្នកស្រី ជីល ពិតជាមានមោទកភាពយ៉ាងខ្លាំងចំពោះកូនស្រី ហើយអ្នកស្រីពិតជាចង់ឃើញកូនស្រីសម្រេចនូវក្ដីស្រមៃ ដែលក្លាយទៅជាអ្នកហាត់កាយសម្ព័ន្ធដ៏ពូកែម្នាក់ផងដែរ។

យ៉ាងណាមិញ សព្វថ្ងៃនេះ ក្មេងស្រី លីហ្សា កំពុងទទួលបានប្រជាប្រិយភាពយ៉ាងខ្លាំងនៅលើបណ្ដាញសង្គមអុីនស្ដារក្រាម រហូតដល់មានអ្នក Follow ចំនួនជាង៤៩,០០០នាក់ឯណោះ៕

សូមទស្សនារូបភាពខាងក្រោម៖