កសិករនៅឡាវប្រឈមនឹងការលំបាកក្នុងការនាំចេញទិន្នផលដំណាំ

ឡាវ៖ ប្រជាកសិករនៅខេត្ត Oudomxay កំពុងជួបការលំបាកក្នុងការលក់កសិផលដោយសារវិបត្តិសេដ្ឋកិច្ចដែលបង្កឡើងដោយការរីករាលដាលនៃជំងឺ COVID-១៩។

កសិផលប្រមាណ ២ កប៉ាល់ដែលមានចំនួន ២,៥៩៣ តោនត្រូវបាននាំចេញទៅប្រទេសចិនដោយជោគជ័យ ខណៈដែលផលិតផលដែលនៅសេសសល់មិនបានលក់ចំនួន ៣,៦២៧ តោន ហើយមាន ផលដំណាំចំនួន ១០ ភាគរយនៃផលដំណាំដែលដែលនៅសល់បានខូច និងមានមួយចំនួនទៀតមិនអាចរក្សាទុកបានយូរទេ។

ចាប់តាំងពីថ្ងៃទី ១៧ ខែឧសភា កសិករនៅស្រុក Na Mor ខេត្ត Oudomxay អាចលក់ផលដំណាំល្ពៅ ដែលជាដំណាំចម្បងរបស់ខ្លួនទៅឱ្យឈ្មួញចិនដែលត្រូវបានអនុញ្ញាតឱ្យឆ្លងកាត់ព្រំដែនពីសំណាក់ប្រទេសចិន។

ប្រជាជននៅភូមិ Na Savang និងភូមិ Kuangmy ដែលមានចំនួន ២៤០ គ្រួសារដាំល្ពៅសម្រាប់នាំចេញទៅប្រទេសចិនជារៀងរាល់ឆ្នាំ។

ក្រុមហ៊ុនចិនចំនួន ៧ កំពុងគ្រប់គ្រងសហគមន៍ភូមិចំនួន ១៣ ដែលមានចំនួន ៧០០ គ្រួសារដែលដាំល្ពៅផងដែរ។ ពួកគេទាំង ៧០០ គ្រួសារបានប្រមូលទិន្នផលដំណាំបានប្រមាណ ៥,៨៦០ តោន៕

ប្រភព៖ The Laotian Times