គ្រូពេទ្យ​រំភើប​! PSG លើក​ពានតែ​មិន​យកទេ ទុក​ជូន​ក្រុម​គ្រូពេទ្យ​​​​ដែលកំពុងទប់ស្កាត់ Covid-19 វិញ

បន្ទាប់ពីក្លឹបបានលើពាន ប្រធានក្លឹប PSG លោក Nasser Al-Khelaifi បានកោតសរសើរយ៉ាងជ្រាលជ្រៅ​ចំពោះអ្នកដែលលះបង់ក្នុងកំឡុងពេលវិបត្តិ Covid-19។ Paris Saint-Germain ក៏សម្រេចប្រគល់ពានជើងឯក Ligue 1 របស់ពួកគេដល់បុគ្គលិកថែទាំសុខភាព និង“ វីរបុរសប្រចាំថ្ងៃ” ដែលបានលះបង់ក្នុងកំឡុងពេលមានវិបត្តិ Covid-19 នេះ។

ក្រុម PSG ត្រូវបានប្រកាសជាក្រុមជើងឯកកាលពីថ្ងៃព្រហស្បតិ៍ បន្បន្ទាប់ពី Lique de Football Professionnel​ (LFP) បានបញ្ជាក់ថាចំណាត់ថ្នាក់របស់ក្លឹបនីមួយៗអាស្រ័យលើពិន្ទុនៃការប្រកួតរួច។ ការប្រកាសនេះធ្វើឡើងពីរថ្ងៃបន្ទាប់ពីនាយករដ្ឋមន្រ្តីបារាំងលោក Edouard Philippe បាននិយាយថា​នឹងមិនមានព្រឹត្តិការណ៍កីឡាណាមួយនៅក្នុងប្រទេស មុនខែកញ្ញានោះទេ។

ក្រុមរបស់លោក Thomas Tuchel មាន ១២ ពិន្ទុនៅលើកំពូលតារាង ដែលនៅសេសសល់ការប្រកួតនៅក្នុងដៃ ពេលដែលរដូវកាលនេះត្រូវបានផ្អាកកាលពីខែមីនាដោយសារតែ Covid-19 ។ មនុស្សជាង ២៤.០០០ នាក់បានស្លាប់នៅប្រទេសបារាំង បន្ទាប់ពីឆ្លងវីរុស Covid-19 ហើយប្រធានក្លឹប PSG លោក Nasser Al-Khelaifi បានផ្តល់ការគោរពយ៉ាងជ្រាលជ្រៅដល់ក្រុមគ្រូពេទ្យជួរមុខ។ 

លោកបានមានប្រសាសន៍ថា៖​ “ យើងសូមប្រគល់ពាន Ligue 1 រដូវកាល ២០១៩-២០២០ នេះដល់បុគ្គលិក​សុខាភិបាល និងវីរៈបុរសជួរមុខទាំងអស់ ដែលមានការប្តេជ្ញាចិត្ត និងការលះបង់ខ្លួនឯងអស់រយៈពេល​ជាច្រើន​សប្តាហ៍​ និងសូមកោតសរសើរយ៉ាងខ្លាំងក្រៃលែង។

ខណៈដែលក្រុម PSG អបអរសាទរការដែលបានក្លាយជាម្ចាស់ជើងឯកបារាំងជាលើកទី ៩ ហើយនោះ ក្រុម Toulouse និង Amiens ត្រូវបានកាត់ចោល ដោយ Lens និង Lorient បានចូលមកជំនួសក្រុមនេះ ក្នុងក្របខ័ណ្ឌ Lique 1។

Marseille និង Renn នឹងចូលមកលេងជាមួយ PSG ក្នុងពាន Champions League ខណៈ ​​Reims និង Nice ត្រូវបានគេរំពឹងថានឹងនាំ ក្រុម Lille ចូលលេងក្នុងពាន Europa League ប្រសិនបើវគ្គផ្តាច់ព្រ័ត្រនៃ Coupe de la Ligue និង Coupe de France មិនបន្តបាន៕

ប្រភព៖ Goal