កូរ៉េខាងត្បូង៖ ជនល្មើសឈ្មោះ Cho Joo Bin ត្រូវបានគេបង្ហើបថា បានបញ្ជូនសារគំរាមសម្លាប់ដល់ប្រធាន JTBC គឺលោក Sohn Suk Hee និងក្រុមគ្រួសារ។

របាយការណ៍ពីប្រព័ន្ធផ្សព្វផ្សាយ លោក Cho Joo Bin ដែលកំពុងធ្វើការនៅ Telegram Nth Rooms​ ក្រោមការចង្អុលបង្ហាញរបស់លោក Baksa (វេជ្ជបណ្ឌិត) បានផ្ញើរសារគំរាម​សម្លាប់លោក Sohn Suk Hee ។ ការគំរាមកំហែងទាំងនេះ មិនត្រឹមតែបានបញ្ជូនទៅ Sohn Suk Hee​ ប៉ុណ្ណោះទេថែមទាំងគ្រួសាររបស់​គាត់ទៀតផង។​

ការគំរាមកំហែងទាំងនេះ បានធ្វើឲ្យ Sohn Suk Hee ថប់បារម្ភជាច្រើន​ នៅពេលដែល​និយាយ​អំពីទម្លាប់ប្រចាំថ្ងៃ​របស់គាត់។ ដោយសារតែការគំរាមកំហែង Sohn Suk Hee ថែមទាំងបានផ្ញើប្រាក់ឱ្យ​ជនល្មើស Cho Joo Bin​ ដើម្បីធ្វើឱ្យគាត់​ឈប់ ហើយបន្ទាប់ពីទទួលបានប្រាក់ Cho Joo Bin មិនបានរំខានគាត់ទៀតទេ។

កាលពីឆ្នាំមុនមានភាពចម្រូងចម្រាសជុំវិញករណីបើកឡានបុក និងរត់ ដែលត្រូវបានគេបង្ហាញថាគ្មានមូលដ្ឋានរវាងSohn Suk Hee និងអ្នកកាសែត Kim Woong ។ Cho Joo Bin ត្រូវបានគេរកឃើញថាបានធ្វើទុក្ខ​បុកម្នេញ ​Kim Woong និងប្រព័ន្ធផ្សព្វផ្សាយផ្សេងៗដោយប្រាប់ពួកគេថាមានភ័ស្តុតាងប្រឆាំងនឹង Sohn Suk Hee ។​ គេបានដឹងថាCho Joo Bin កំពុងប៉ុនប៉ងជំរិតទារប្រាក់ពី Sohn Suk Hee ។

នៅព្រឹកថ្ងៃនេះលោក Cho Joo Bin ដែលជាជនល្មើស បានបង្ហាញខ្លួននៅចំពោះមុខសាធារណជន​ហើយបាន​សុំអភ័យទោស​ជាសាធារណៈ។

លោកសូមទោសចំពោះ Sohn Suk Hee , Kim Woong , Yoon Jang Hyun និងអ្នករាល់គ្នាដែល​បានធ្វើឱ្យឈឺចាប់ដោយសាររូបលោក។

ប៉ូលីសបានបញ្ជាក់ថាបុរសទាំង ៣ នាក់ដែលត្រូវបានលើកឡើងដោយលោក Cho Joo Bin មិនមានទំនាក់ទំនង​អ្វីជាមួយ Telegram Nth Room ទេប៉ុន្តែមានមូលហេតុដែលអាចជឿជាក់​បានថាពួកគេ​គឺជាជនរងគ្រោះ​ត្រូវគេបោកប្រាស់។​ SBS ក៏បានរាយការណ៍មុននេះផងដែរថាលោក Cho Joo Bin ត្រូវបានគេសង្ស័យ​ថាបាន​ឆបោក​​ប្រាក់​ចំនួន ១៥ លានវ៉ុន (១២ ១៩៥ ដុល្លារ) ពីអ្នកយកព័ត៌មានម្នាក់ដែលត្រូវបានគេប្រាប់ថាលោកនឹង​ទទួល​បាន USB ដែលផ្ទុកព័ត៌មានអំពីអ្នកនយោបាយ៕

ទស្សនាវីដេអូខាងក្រោម៖