កប់ៗ TOP បង្ហោះរូបថ្មី ពាក់វ៉ែនតាឡើងសង្ហា អង្រួនបេះដូងហ្វេន!

កូរ៉េខាងត្បូង៖ កាលពីម្សិលមិញនេះ តារាចម្រៀងប្រុសជើងចាស់ដ៏មានប្រជាប្រិយភាព T.O.P សមាជិកក្រុម​ Big Bang បានធ្វើការបង្ហោះនូវរូបថតSelfie ថ្មីៗមិនប៉ុន្មានសន្លឹក​នៅគណនីអ៉ីនស្តារក្រាមផ្ទាល់ខ្លួនរបស់លោក ដែលបង្កឲ្យមានការចាប់អារម្មណ៍យ៉ាងខ្លាំង នៅលើបណ្តាញអ៉ីនធើណែត។

តារាចម្រៀងប្រុសវ័យ៣០ប្លាយរូបនេះ បានលេងនូវស្ទាយ៍តែងខ្លួនថ្មី ជាមួយនឹងម៉ូតសក់វែងគួរសមទម្លាក់មកខាងមុខ ថែមទាំងពាក់វ៉ែនតាផងដែរ ដែលមើលទៅសង្ហាប្លែកភ្នែក គួរឲ្យទាក់ទាញតែម្តង។ មិនតែប៉ុណ្ណោះ ចាប់តាំងពីលោក បានចេញពីហាត់ទាហ៊ានមក TOP ក៏តែងតែធ្វើការ Update បង្ហោះរូបថតថ្មីៗបែបសប្បាយៗកំប្លែងៗជាពិសេសសម្រាប់អ្នកគាំទ្ររបស់លោកផងដែរ។

គួរឲ្យដឹងផងដែរថា បន្ទាប់ពីស្ងប់ស្ងាត់អស់រយៈពេលជាច្រើនខែ ពេលនេះក្រុមចម្រៀងបុរស Big Bang បានប្រកាសជាផ្លូវការថា ខ្លួននឹងចូលសម្តែងនៅក្នុងព្រឹត្តិការណ៍ប្រគុំតន្រ្តីដ៏ធំបំផុតរបស់ អាមេរិក «Coachella» នៅក្នុងខែមេសា ឆ្នាំ២០២០ ខាងមុខនេះហើយ៕