កាលពីសម័យដើម នារីទន់ភ្លន់សំដីផ្អែម ស្លូតបូត ពូកែអត់ធ្មត់ មិនតបត ស្ងាត់ស្ងៀម អត្តចរិតល្អ ចេះការងារផ្ទះគ្រប់សព្វទើបត្រូវបានគេចាត់ទុកថា ជានារីគ្រប់លក្ខណ៍។ ប៉ុន្តែវាអាចនឹងត្រូវទៅតាមសម័យកាល ដោយយើងពុំអាចវិនិច្ឆ័យថាត្រូវ ឬខុសបានឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលុះមកដល់បច្ចុប្បន្ន ការវិវត្តរបស់សង្គម អាស្រ័យដោយបានសិក្សារៀនសូត្រច្រើន បានធ្វើឲ្យនារីកាន់តែមានការពិចារណាវែងឆ្ងាយ ហើយបត់បែនទៅតាមការចង់បានរបស់ខ្លួន ព្រមទាំងហ៊ានតបត តវ៉ាបើករណីមានសម្ពាធអ្វីមួយ។
យ៉ាងណាមកដល់ពេលនេះ មានមិនច្រើនទេចំពោះស្រ្តីដែលមានចរិតមិនចេះទ្រអ្នកណា។ ចរិតឯករាជ្យមិនចេះទ្រអ្នកណារបស់នារីសម័យថ្មី ពុំមែនបានន័យថាពួកគេជាមនុស្សមានះរឹងរូសនោះទេ។ តែវាបង្ហាញថាគេមានភាពម្ចាស់ការគ្រប់គ្រាន់ក្នុងការបញ្ជាចង្កូតជីវិតរបស់ពួកគេ។
មិនចេះទ្រអ្នកណាមែនទេ?
នារីប្រភេទនេះ ពួកគេតែងតែដឹងច្បាស់ថាពេលណាត្រូវទន់ និងពេលណាត្រូវរឹងច្បាស់លាស់បំផុត។ ពួកគេនឹងមើលតាមកាលៈទេសៈដើម្បីរៀបឫករបស់ខ្លួន ឲ្យស័ក្ដិសម។ តែរឿងដែលធ្វើឲ្យគេលេចធ្លោជាងអ្នកដទៃនោះគឺ គេនឹងមិនទ្រអ្នកណាមួយដោយសារតែស្នេហាឡើយ ព្រោះភាពឯករាជ្យលើជីវិត ធ្វើឲ្យគេគិតដល់ហេតុផលជានិច្ច។ ដោយសារតែអត្តចរិតឆ្មើងឆ្មៃបែបនេះហើយ ដែលធ្វើឲ្យមនុស្សប្រុសលង់នឹងគេខ្លាំង។
ចំណុចសំខាន់ត្រង់ថា នារីមិនចេះទ្រអ្នកណា ជាមនុស្សមានគោលដៅ និងទំនុកចិត្តខ្ពស់ ដែលបុរសដែលចូលក្នុងជីវិតគេពុំអាចទាញទៅស្តាំ ឬទៅឆ្វេងស្រេចតែចិត្តនោះឡើយ។ ផ្ទុយទៅវិញ បុរសនឹងកាន់តែគោរពអ្នក ជាពិសេសនូវរាល់ការសម្រេចចិត្តរបស់អ្នកដោយឲ្យតម្លៃបំផុត។
ដូច្នេះបើអ្នកជាមនុស្សមិនចេះទ្រអ្នកណា កុំបាច់ខំពត់ប្តូរចរិតទៅកាន់ភាពជាមនុស្សផ្សេងម្នាក់ទៀត ព្រោះបែបនោះ អ្នកកំពុងព្យាយាមយកតម្រាប់តាមគេហើយ៕