ក្ដៅៗកម្ពុជាឈ្នះទៀតហើយបងប្អូន! ប្រកួតបើកឆាកកីឡាប្រដាល់គុណខ្មែរ ព្រឹត្តិការណ៍ស៊ីហ្គេមលើកទី៣០ កីឡាករឡៅចិត្រា បានប្រកួតឈ្នះកីឡាករឡាវដោយពិន្ទុ (មានវីដេអូ)

ហ្វីលីពីន៖ ប្រកួតបើកឆាក ប្រភេទកីឡារប្រដាល់គុណខ្មែរ កីឡាករឡៅ ចិត្រា តំណាងឲ្យប្រទេសកម្ពុជា បានធ្វើការប្រកួតជាមួយនឹងកីឡាករឡាវ Soubinh Banxade ក្នុងព្រឹត្តការណ៍ស៊ីហ្គេមលើកទី៣០ ឆ្នាំ២០១៩ នៅល្ងាចថ្ងៃព្រហស្បតិ៍នេះ។

ការប្រកួតនេះស្ថិតក្នុងប្រភេទទម្ងន់ ៦៣,៥គីឡូក្រាម ដោយមានរយៈពេល៣ទឹក។ ដោយទឹកទី១ ទី២និងទី៣ កីឡាករឡៅ ចិត្រា ទទួលបាន ១០ពិន្ទុក្នុង១ទឹក ចំណែកឯកីឡាករឡាវ ទទួលបាន ៩ពិន្ទុក្នុង១ទឹក។

ដូច្នេះក្រោយប្រកួតអស់រយៈពេល ៣ទឹក កីឡាករឡៅ​ ចិត្រាបានយកឈ្នះលើកីឡាករឡាវ ដោយពិន្ទុ ក្នុងលទ្ធផល ៣០-២៧៕

សូមទស្សនាវីដេអូនៃការប្រកួតខាងក្រោមនេះ៖

ប្រភព៖ Cambodia SEA GAMES 2023