កូរ៉េខាងត្បូង៖ នាព្រឹកព្រលឹមថ្ងៃទី៣ ខែធ្នូនេះ គេបានប្រទះឃើញសមាជិក៣រូប របស់ក្រុម BLACKPINK ដោយមានដូចជា Lisa Jisoo និង Rosé បានធ្វើដំណើរមកដល់ព្រលានយន្ត Gimpo ដើម្បីធ្វើដំណើរហោះឆ្ពោះទៅប្រារព្ធធ្វើ កម្មវិធីប្រគុំតន្រ្តីរបស់ខ្លួន នៅឯប្រទេសជប៉ុន នៅថ្ងៃទី៤ ខែធ្នូស្អែកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ការបង្ហាញខ្លួនរបស់ស្រីស្រស់ទាំងប៉ុន្មានដួងនេះ នៅឯព្រលានយន្តហោះ គឺមានការខុសប្លែកពីរាល់ដងដាច់តែម្តង ដោយLisa និង Jisoo បានតុបតែងខ្លួនស្លៀកពាក់ ឈុតតុក្កតា ដែលធ្វើឲ្យអ្នកគាំទ្រក៏ដូចជាក្រុមអ្នកសារព័ត៌មាន មានការភ្ញាក់ផ្អើលយ៉ាងខ្លាំង ដោយគ្រាន់តែឃើញភ្លាមៗ។
ជាការពិតណាស់ ដោយក្នុងនោះ Lisa បានស្លៀកនូវឈុតតុក្កតារូបទា ចំណែកឯ Jisoo បានស្លៀកពាក់ឈុតតុក្កតារូបទន្សាយ និងបានស្ពាយកាបូបតូចពីក្រោយរូបអណ្តើក ដូចទៅនឹងឈ្មោះហៅក្រៅលេងរបស់នាងថា «Jisoo Turtle Rabbit Kim» ដោយឡែក ងាកមក Rosé ឯណេះវិញ គឺនាងបានស្លៀកពាក់ធម្មតា។
យ៉ាងណាមិញ មូលហេតុដែលតារាស្រីទាំងពីរដួងនេះ បានសម្រេចចិត្តស្លៀកពាក់ប្លែកបែបនេះ ឡើងយន្តហោះ គឺដោយសារតែពួកគេបានធ្វើតាមសន្យារបស់ខ្លួន ដោយកាលពីប៉ុន្មានខែមុន Lisa និង Jisoo បានលេងហ្គេមចាញ់ Jennie និង Rosé នៅក្នុងកម្មវិធីជំណួបអ្នកគាំទ្រផ្ទាល់ខ្លួន Private Stage និងពិន័យឲ្យអ្នកលេងចាញ់ត្រូវតែ ស្លៀកពាក់ចម្លែកប្លែកៗឡើងយន្តហោះ ហើយនៅពេលនេះ គឺពួកគេបានធ្វើតាមការសន្យារួចរាល់ហើយ៕