ចូលរួមត្រេកអរ! កម្ពុជា រកបានមេដាយសំរឹទ្ធិ១គ្រឿងទៀតហើយក្នុងប្រភេទកីឡា Arnis នៅស៊ីហ្គេម

ហ្វីលីពីន៖ កម្ពុជា បានបន្តរកបានមេដាយសំរឹទ្ធិ ១គ្រឿងទៀតនៅក្នុងប្រភេទកីឡា Arnis ទម្ងន់ Featherweight (៥៥គីឡូក្រាមឡើង) ដោយកីឡាករ សុខ ឈុន បន្ទាប់ពីប្រកួតចាញ់កីឡាករវៀតណាម Van Kieun Vu ក្នុងវគ្គពាក់កណ្ដាលផ្ដាច់ព្រ័ត្រ។

សម្រាប់ប្រភេទកីឡា Arnis ប្រភេទទម្ងន់ Featherweight នៅស៊ីហ្គេមលើកនេះ មេដាយមាសបានទៅលើកីឡាករហ្វីលីពីន Nino Mark Talledo, មេដាយប្រាក់បានទៅលើកីឡាករវៀតណាម Van Kien Vu ខណៈមេដាយសំរឹទ្ធិបានមកលើកីឡាករកម្ពុជា សុខ ឈុន និងកីឡាករភូមា Win Thet Paing។

គួរឲ្យដឹងដែរថា ប្រភេទកីឡា Arnis នេះគឺប្រភេទកីឡាគុនដំបងប្រពៃណីមួយរបស់ប្រទេសហ្វីលីពីន ដែលមានលក្ខណៈប្រហាក់ប្រហែលទៅនឹងក្បាច់គុនល្បុកត្តោរបស់កម្ពុជា៕