អបអរសាទរ! កីឡាករ ឌិប ង៉ែត ទទួលបានមេដាយសំរឹទ្ធិស៊ីហ្គេម ប្រភេទកីឡា Arnis អម្បាញ់មិញនេះ

ហ្វីលីពីន៖ កីឡាករកម្ពុជា ឌិប ង៉ែត រកបានមេដាយសំរឹទ្ធិមួយគ្រឿងក្នុងព្រឹត្តិការណ៍កីឡាស៊ីហ្គេមលើកទី៣០ ប្រភេទកីឡា Arnis ប្រភេទទម្ងន់ Bantamweight ដោយចាញ់កីឡាករម្ចាស់ផ្ទះហ្វីលីពីន Dexler Bolambo ក្នុងវគ្គពាក់កណ្ដាលផ្ដាច់ព្រ័ត្រ មុននេះបន្តិច។

សម្រាប់ប្រភេទកីឡា Arnis ប្រភេទទម្ងន់ Bantamweight នៅស៊ីហ្គេមឆ្នាំនេះ មេដាយមាសបានទៅលើកីឡាករហ្វីលីពីន Dexler Bolambo, មេដាយប្រាក់បានទៅលើកីឡាករភូមា Paing Soe ខណៈមេដាយសំរឹទ្ធិបានមកលើកម្ពុជា និងវៀតណាម។

គួរឲ្យដឹងដែរថា ប្រភេទកីឡា Arnis នេះគឺប្រភេទកីឡាគុនដំបងមួយរបស់ប្រទេសហ្វីលីពីន ដែលមានលក្ខណៈប្រហាក់ប្រហែលទៅនឹងក្បាច់គុនល្បុកត្តោរបស់កម្ពុជា៕