បរទេស៖ កាលពីមុន នាង Katie Price ធ្លាប់មានឈ្មោះជា “British sex bomb ឬ ក៏ជាស្រីស្អាតបំផុតប្រចាំចក្រភពអង់គ្លេស។ ក្នុងនាមជាតារាម៉ូដែលនៅពេលនោះ នាង Katie មានភាពជោគជ័យជាខ្លាំង ហើយនាងថែមទាំងជាតារាស្រីកំពូលដែលបង្ហាញមុខ នៅលើគម្របទស្សនាវដ្តីជាច្រើនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលុះក្រោយមក បន្ទាប់ពីតារាស្រីរូបនេះ ចាប់ផ្តើមរៀបការ និងមានកូន ស្រាប់តែសម្រស់របស់ Katie ធ្លាក់ចុះយ៉ាងខ្លាំង ដែលជាហេតុធ្វើឲ្យនាងព្យាយាមរកគ្រូពេទ្យ ដើម្បីទប់ស្កាត់នឹងភាពចាស់ជ្រីវជ្រួញនេះ។
យ៉ាងណាមិញ ដោយសារតែខ្លាចសម្រស់របស់ខ្លួនធ្លាក់ចុះជាលំដាប់នាង Katie បានឆ្លងកាត់ការកែសម្ផស្សទាំងតូច ទាំងធំចំនួន១១ដង ក៏ប៉ុន្តែអ្វីៗមិនដូចបំណងនាងនោះទេ គឺត្រឹមតែរយៈពេល២ឆ្នាំ ក្នុងការកែសម្ផស្សចុងក្រោយចំនួន៣ដង មុខមាត់របស់នាង ត្រូវបានបំផ្លាញទាំងស្រុង ហើយពេលនេះមុខរបស់នាង ធ្វើឲ្យអ្នកគាំទ្រមើលស្ទើមិនស្គាល់នោះឡើយ។
បើផ្អែកតាមប្រភព ជិតដិតនឹង Katie ផ្ទាល់បានឲ្យដឹងថា Katie បានប្រាប់មិត្តរបស់នាងថា មុខរបស់នាងពេលនេះហាក់គ្មានវិញ្ញាណនោះទេ ហើយនាងមានស្នាមជាច្រើននៅលើមុខ បន្ទាប់ពីឆ្លងកាត់ការកែសម្ផស្សជាច្រើនលើកជាច្រើនដង។ ឯចំណែកសរសៃប្រសាទ នៅលើថ្ពាល់ខាងស្តាំរបស់នាង ស្ទើរតែលែងមានអារម្មណ៍ប៉ះដឹង ហើយមុខរបស់នាងនៅពេលនេះ មិនអាចស្ទាបប៉ះបាននោះទេ។
ក្រោយពីឃើញបែបនេះ មហាជនជាច្រើនពិតជាអាណិតរូបនាងជាខ្លាំង ព្រោះមិននឹកស្មានថាតារាស្រីដែលធ្លាប់ជាស្រីស្អាតប្រចាំប្រទេស បែរជាមានមុខមាត់ទៅជាបែបនេះ ពិតជាគួរឲ្យសង្វេគណាស់៕
តើប្រិយមិត្តយល់យ៉ាងណាដែរ?