បរទេស៖ កម្មវីធី Instagram គឺជាបណ្ដាញសង្គមមួយដែលមានប្រជាប្រិយភាពយ៉ាងខ្លាំងក្នុងចំណោមស្រទាប់យុវវ័យ ហើយកាលពីពេលថ្មីៗនេះដែរ វាបានបញ្ចេញមុខងារថ្មីមួយដែលបានដាក់ឲ្យអ្នកប្រើប្រាស់មួយចំនួនធ្វើការប្រើសាកល្បង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើផ្អែកតាមសារព័ត៌មាន TechCrunch បានឲ្យដឹងថា Instagram បានកំពុងសាកល្បងមុខងារថតវីដេអូថ្មីដែលស្រដៀងគ្នានឹងមុខងារមួយរបស់កម្មវិធី TikTok។ មុខងារដែលកំពុងដាក់ឲ្យប្រើសាកល្បងនេះមានឈ្មោះថា Reels ដែលអនុញ្ញាតឲ្យអ្នកប្រើថតវីដេអូចំនួន១៥វិនាទីអមជាមួយតន្ត្រីហើយបង្ហោះចូល Story របស់ពួកគេ។
Reels បានដាក់ឲ្យប្រើសាកល្បងកាលពីថ្ងៃអង្គារកន្លងទៅនេះនៅក្នុងប្រទេសប្រេស៊ីល។ ទោះជាយ៉ាងណាមុខងារថ្មីមួយនេះនៅតែមិនទាន់ដឹងពេលវេលាជាក់លាក់នៃការដាក់ឲ្យប្រើប្រាស់ជាសកលនៅឡើយទេ។
អ្នកប្រើប្រាស់អាចស្វែងរកមុខងារនេះបាននៅក្នុង Camera Story របស់ពួកគេ ដែលវាមានទីតាំងនៅជិត Boomerang និង Super-zoom។ អ្នកប្រើអាចថតវីដេអូរបស់ពួកគេដោយមិនចាំបាច់ត្រូវការសំឡេង រួចយកសំឡេងចេញពីវីដេអូដទៃមកដាក់ក៏បាន ដោយគ្រាន់តែស្វែងរកតាមរយៈ Hashtag, Explore ឬវីដេអូដែលកំពុងពេញនិយមដទៃទៀត៕