ល្អមើលណាស់ វ៉ៃរាប់ម្ដងម្នាក់!! ធឿន ធារ៉ា និងថៃសម្រុកគ្នាមួយទំហឹង ឡើងកក្រើកសង្វៀន (មានវីដេអូ)

ភ្នំពេញ៖ ការប្រកួតប្រដាល់គុនខ្មែរ ក្នុងកម្មវិធីរបស់បណ្ដាញស្ថានីយ៍ទូរទស្សន៍ CBS កាលពីថ្ងៃសៅរ៍កន្លងទៅ កូនសិស្សរបស់លោកគ្រូ អេ ភូថង រហស្សនាមកែងពូថៅ ធឿន ធារ៉ា បានប្រកួតស្មើគ្នាជាមួយកីឡាករមកពីប្រទេសថៃ ឃុនដេត។

ការប្រកួតនេះធ្វើឡើងក្នុងប្រភេទទម្ងន់ ៦៣,៥គីឡូក្រាម និងវាយលក្ខណៈដណ្ដើមប្រាក់លាន។ ការប្រកួតពេញ ៥ទឹក ទាំងកីឡាករកម្ពុជា ធឿន ធារ៉ា និងកីឡាករថៃ ឃុនដេត បានបុកគ្នា និងប្ដូរគ្នាយ៉ាងខ្លាំង ដែលបានធ្វើឲ្យទស្សនិកជនដែលទៅទស្សនាផ្ទាល់ ស្រែកហ៊ោរពេញស្ទូឌីយោ។

កាន់តែជក់ចិត្តល្អមើលជាងនេះទៀតនោះគឺកីឡាករទាំងពីរបានវាយគ្នាឲ្យលោកអាជ្ញាកណ្ដាលរាប់ម្ដងម្នាក់ ពោលគឺធឿន ធារ៉ា ត្រូវលោកអាជ្ញាកណ្ដាលរាប់នៅក្នុងទឹកទី២ ខណៈកីឡាករថៃ ឃុនដេត ត្រូវលោកអាជ្ញាកណ្ដាលរាប់នៅក្នុងទឹកទី៣។ យ៉ាងណាជាលទ្ធផលបញ្ចប់ការប្រកួត កីឡាករទាំងពីរស្មើពិន្ទុគ្នា៕

ចង់ឃើញថាការប្រកួតនោះ កីឡាករទាំងពីរប្រកួតគ្នាជក់ចិត្តយ៉ាងណា ទៅទស្សនាវីដេអូខាងក្រោមទាំងអស់គ្នា៖

ប្រភព៖ SportZone