អេស្ប៉ាញ៖ Real Madrid បច្ចុប្បន្ននេះកំពុងជួបវិបត្តិរបួសកីឡាករជាច្រើនរូបដោយថ្មីៗនេះ ខ្សែការពារស្លាបឆ្វេងសញ្ជាតិប្រេស៊ីលកីឡាករ Marcelo បានជួបបញ្ហា១រូបទៀតហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Zinedine Zidane នឹងដឹកនាំក្រុមទៅកាន់ទីក្រុងប៉ារីសនៅរាត្រីថ្ងៃពុធនេះដើម្បីទៅសួរសុខទុក្ខក្រុមម្ចាស់ផ្ទះក្រុម Paris Saint Germain ក្នុងព្រឹត្តិការណ៍ Champions League។
ក្រុមទាំងពីរនេះសុទ្ធតែទទួលជ័យជម្នះសម្រាប់ការប្រកួតនៅក្នុងលីគកំពូលរបស់ខ្លួនរៀងៗខ្លួន។ ដោយម្ចាស់ផ្ទះ PSG បានយកឈ្នះ១ទល់នឹង០ទៅលើក្រុមភ្ញៀវ Strasbourg ដែលជាការប្រកួតដំបូងរបស់ Neymar ក្នុងការវិលត្រឡប់ពីរបួស។ ចំណែកឯ Real Madrid ក៏បានយកឈ្នះក្រុម Lavante ក្នុងលទ្ធផល៣ទល់នឹង២ផងដែរ កាលពីរាត្រីថ្ងៃសៅរ៍កន្លងទៅនេះ។
ក្រោយពីលេងពេញ ៩០ នាទីនៅល្ងាចថ្ងៃសៅរ៍រួចមកខ្សែការពារ Marcelo បានរងរបួសទល់នឹង Levante ដោយមានបញ្ហា.ក។
យោងតាមកាសែត AS បានអោយដឹងថា Marcelo ត្អូញត្អែរពីភាពមិនស្រួលអំឡុងពេលហ្វឹកហាត់នៅព្រឹកថ្ងៃនេះជាលទ្ធផលដោយតម្រូវអោយការធ្វើតេស្តត្រូវបានអនុវត្តដោយក្រុមគ្រូពេទ្យរបស់ Real Madrid។
ដូច្នេះកីឡាករសញ្ជាតិប្រេស៊ីលរូបនេះអាចនឹងខកខានក្នុងការបង្ហាញអោយ Real Madrid ក្នុងជំនួបប៉ះ PSG ខាងមុខនេះ មានន័យថាសមាជិក ៧ រូបនៃក្រុម Real នឹងមិនមានវត្តមាននៅឯ Parc des Princes រូមមានកីឡាករ Isco, Luka Modric, Fede Valverde, Marco Asensio, Sergio Ramos និង Nacho៕