កូរ៉េខាងត្បូង ៖ ប្រិយមិត្តដែលជាអ្នកគាំទ្រក្រុមចម្រៀង BTS ប្រាកដជាបានជ្រាបខ្លះៗរួចមកហើយថា មុនពេលបង្ហាញខ្លួនជាតារាល្បី សមាជិកក្រុមម្នាក់ៗ សុទ្ធតែមានចំណូលចិត្តទៅលើការលេងកីឡារៀងៗខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយសារតែកាលនោះ ពួកគេគ្មានកាលវិភាគការងារ មមាញឹកច្រើនដូចជាពេលបច្ចុប្បន្ន ដូច្នេះហើយពួកគេតែងតែចំណាយពេលទៅលើ ការហ្វឹកហាត់រាងកាយ ដោយការលេងកីឡាទៅតាមចំណូលចិត្តរៀងៗខ្លួន។
ក្នុងនោះដែរ សមាជិកក្រុមដែលមានវ័យចំណាស់ជាងគេគឺ Jin ត្រូវបានគេស្គាល់ថា មានចំណូលចិត្តទៅលើ កីឡាជិះស្គីលើទឹកកក។ ចំណែកសមាជិកដែលមានសម្បុរស្បែកសស្អាតជាងគេដូចជា Suga គឺមានចំណូលចិត្តលើ កីឡាបាល់បោះ។
រីឯកូនពៅប្រចាំក្រុមគឺ Jungkook ធ្លាប់ជាជើងឯកផ្នែកតៃក្វាន់ដូ កាលពីនៅវ័យជំទង់ មិនខុសពី Jimin ប៉ុន្មានដែរ។ កម្លោះៗដែលមកពីទីក្រុង Busan ទាំងពីរនាក់នេះ សុទ្ធតែធ្លាប់ហាត់តៃក្វាន់ដូ កាលពីនៅក្មេងៗ។ នេះបើយោងតាមសម្ដីគ្រូបង្រៀនរាំ នៅឯវិទ្យាល័យដែល Jimin រៀន បានបញ្ជាក់ថា Jimin គឺជាសិស្សពូកែនៅក្នុងថ្នាក់រៀន និងថ្នាក់បង្ហាត់រាំថែមទៀតផង។
សមាជិកក្រុម BTS បន្ទាប់គឺ J Hope។ លោកធ្លាប់បានបង្ហាញថា លោកអាចនឹងក្លាយជាកីឡាករវាយកូនបាល់ ប្រសិនបើលោកមិនបានចាប់អាជីពជាតារា។ J Hope បានបន្តថា លោកតែងតែចំណាយពេលទៅលើ កីឡាវាយកូនបាល់ មុនពេលដែលបង្ហាញខ្លួនជាតារា។
សមាជិកទាំងពីរចុងក្រោយគឺ RM និង V។ ពួកគេទាំងពីរត្រូវបានគេស្គាល់ថា ជាសមាជិកដែលគ្មានទំនាក់ទំនងជាមួយនឹងផ្នែកកីឡារបស់សាលាឡើយ ប៉ុន្តែអ្នកគាំទ្របានកត់សម្គាល់ឃើញថា RM គឺពូកែជិះស្គីខ្លាំងណាស់។ ចំណែក V ចូលចិត្តជិះកង់ តាំងពីរៀនថ្នាក់បឋមសិក្សាមកម្ល៉េះ៕