កូរ៉េខាងត្បូង៖ កាលពីថ្មីៗនេះតារាសម្តែងស្រីស្រស់ស្អាត Han Ye Seul ដែលបច្ចុប្បន្ននេះ នាងក៏ជាYoutuber មួយរូប បានបង្ហោះនូវវីដេអូមួយនៅលើគណនីYoutuber បង្ហាញពីសកម្មភាពរបស់នាងកំពុងតែហាត់ប្រាណ ហើយក្នុងនោះផងដែរ នាងក៏បានចែករំលែកនូវតិចនិកហាត់ប្រាណល្អៗមួយចំនួន ដល់ប្រិយមិត្តគាំទ្ររបស់នាងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ក្នុងនោះ Han Ye Seul បានលើកឡើងថា នាងគឺជាមនុស្សដែលសកម្មម្នាក់ នាងចូលចិត្តបញ្ចេញញើស ពីព្រោះវាជួយធ្វើឲ្យនាងកាត់បន្ថយភាពតានតឹងបានច្រើន។ នាងក៏បានចែករំលែកអំពីការហាត់ប្រាណខ្លះៗថា យើងគួរតែសម្រាកខ្លួនខ្លះ បន្ទាប់ពីយើងហាត់ខ្លាំង ហត់ដល់កម្រិតខ្លាំងពេក ពីព្រោះវានឹងអាចធ្វើឲ្យយើងស្អប់ការហាត់ប្រាណបាន។
បន្ទាប់ពីនេះ នាងក៏បានចែករំលែកនូវគន្លឹះទីពីរថា ៖
«យើងគួរតែញុំាខ្លះៗនៅចន្លោះពេលហាត់ប្រាណ បើមិនដូច្នោះទេយើងនឹងអស់ថាមពលហើយ។ ហើយវាក៏កាន់តែប្រសើរឡើងទៀត បើសិនជាយើង បើកចម្រៀងឮៗ។»
មិនតែប៉ុណ្ណោះ នាងក៏បានប្រាប់ពីតិចនិកជម្រុញទឹកចិត្ត ដល់មិត្តនារីៗមួយចំនួន ដែលខ្ជិលហាត់ប្រាណ ឬអ្នកដែលគ្មានភាពអត់ធ្មត់ក្នុងការហាត់ប្រាណដោយថា៖
«ខ្ញុំតែងតែគិតពីបំណងប្រាថ្នាដែលខ្ញុំចង់សម្រេចវា។ បើសិនជាខ្ញុំគិតពីវា នោះខ្ញុំនឹងកាន់តែមានឆន្ទះរត់បានយ៉ាងល្អ។»
ហើយចុងក្រោយ Han Ye Seul ក៏បានទម្លាយពីវិធីពិសេសចុងក្រោយបង្អស់ថា ៖
«វិធីមួយទៀតវិញ គឺខ្ញុំនឹងគិតពីមនុស្សដែលខ្ញុំកំពុងតែស្អប់បំផុត នោះខ្ញុំនឹងរត់កាន់តែខ្លាំងកាន់តែលឿន ហើយក៏បាននិយាយថា “ខ្ញុំនឹងបំផ្លាញអ្នក” ហើយបើសិនជាយើងមើលមុខខ្លួនឯងពេលកំពុងរត់ហាត់ប្រាណទៀតនោះ នោះយើងក៏កាន់តែខឹងលើសដើមតែម្តង»។
តួយ៉ាង តាមរយៈការលើកឡើងរបស់តារាសម្តែងស្រី Han Ye Seul ខាងលើនេះ សុទ្ធសឹងតែជាតិចនិកថ្មីពិសេសល្អៗ ដែលជួយលើកទឹកចិត្តដល់អ្នកដែលខ្ជិលប្រាណ ឲ្យមានកម្លាំងចិត្តឡើងវិញ ហើយប្រិយមិត្តក៏គួរតែសាកល្បងវិធីមួយនេះក៏ល្អដែរ៕
Bong I.T