តារាកម្សាន្ត៖ ដូចដែលប្រិយមិត្ត ពុកម៉ែ បងប្អូន និងជាពិសេសអ្នកដែលនិយមតាមដានព័ត៌មានសិល្ប:កម្សាន្តបានជ្រាបកាលពីពេលកន្លងទៅរួចមកហើយថា តារាសម្តែង និងជាតារាចម្រៀងដ៏ល្បីឈ្មោះបោះសម្លេងនៅក្នុងជួរអ្នកសិល្ប:កម្ពុជា លោកយូ ឌីស្កូ បានកើតជំងឺខូចក្រលៀន រហូតលោកត្រូវបានបញ្ចូនឲ្យទៅព្យាបាលនៅប្រទេសឥណ្ឌាថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ នៅក្នុងបទសម្ភាសន៍មួយជាមួយនឹងនាទីសិល្បករកម្ពុជា និងសង្គម តារាសម្តែង និងជាតារាចម្រៀងដ៏ល្បីលោក យូឌីស្កូ បានចែករំលែកបទពិសោធន៍ផ្ទាល់ខ្លួន ដោយលោកបាននិយាយរៀបរាប់ប្រាប់ដល់មហាជនយ៉ាងដូច្នេះថា៖
និយាយបងចាប់ផ្តើមឈឺចាប់តាំងពីឆ្នាំ២០១៨មក វាមានអាការ:ធ្វើឲ្យយើងអត់ស្រួលខ្លួន ឬក៏ហើមដៃ ហើមជើង ឬការចុកចង្កេះ និងជួនកាលធ្វើឲ្យយើងគិតថាវាជាការឡើងអាសុីត ឬក៏ឈឺសន្លាក់ វាអីបងធ្លាប់មានប្រវត្តិមានបញ្ហាគ្រោះថ្នាក់ត្រូវត្រង់ជើង ហើយបងចេះតែញ៉ាំថ្នាំ បំបាត់ឈឺចុកចាប់ ញ៉ាំថ្នាំដើម្បីបញ្ចុះអាសុីត ហើយញ៉ាំថ្នាំផ្សះ ទាំងអស់នេះហើយ វាប៉ះពាល់ដល់តម្រងនោមយើង...។
គួរកត់សម្គាល់ផងដែលថា យោងតាមការសិក្សាស្រាវជ្រាវ បញ្ហាក្រលៀន ជាជំងឺដ៍ស្ងាត់ស្ងៀមនិងមិនផ្តល់រោគសញ្ញាឱ្យចាប់អារម្មណ៍ទេ រហូតដល់ដំណាក់កាលធ្ងន់ធ្ងរខ្លាំង ទើបលេចចេញនូវរោគសញ្ញាជំងឺមួយចំនួនខាងលើ ហើយអ្នកជំងឺនោះ នៅពេលមកជួបគ្រូពេទ្យច្រើនតែចង់ហួសពេលបន្តិចទៅហើយ។ ប្រសិនបើគេអាចយកចិត្តទុកដាក់មើលថែជំងឺនេះ តាំងពីដំបូងឬភ្លាមៗ ដើម្បីពិនិត្យព្យាបាលឱ្យចំទិសដៅ និងប្រភេទជំងឺនោះ នឹងអាចបញ្ឈប់បានទាំងស្រុងការវិវឌ្ឃន៍នៃជំងឺតែម្តង ប៉ុន្តែបើអ្នកយឺតពេលនោះ ប្រហែលជាអ្នកត្រូវទៅវះកាត់ប្តូរក្រលៀនថ្មី៕
ចង់ជ្រាបកាន់តែច្បាស់ សូមទស្សនារូបភាព និងវីដេអូខាងក្រោមនេះ៖
ប្រភពវីដេអូ៖ គេហទំព័រសិល្បករកម្ពុជា និងសង្គម
Bong I.T