ខឹងណាស់! តារាឆ្នើមរូបនេះធ្លាប់អន់ចិត្តនឹងថ្នាក់លើរបស់ Man UTD រហូតលើកឡើងថា ពួកគេគឺចាត់ទុកកីឡាករក្នុងក្រុមដូចជាកូនក្មេង

បរទេស៖ កីឡាករ Luke Shaw បាននិយាយចំៗថាកំលុងពេលដំណើរការនៃផែនការបង្កើតលីគ European Super League លោក Ed Woodward មើលទៅគឺចាត់ទុកកីឡាករក្នុងក្រុម Manchester United ដូចជាកូនក្មេងអ៊ីចឹង។

ជាការពិតណាស់ ក្រុម បិសាចក្រហម គឺជាសមាជិកមួយនៅក្នុងចំណោមស្ថាបនិកនៃក្រុម ១១ ទៀតដែលមានគម្រោងចង់បំបែកខ្លួនចេញពីលីគបច្ចុប្បន្ន, ខណៈពេលនោះមានព័ត៌មានផ្ទុះយ៉ាងខ្លាំងនៅពេលផែនការនោះបានប្រកាសជាផ្លូវការនៅក្នុងខែ មេសា។

យ៉ាងណាមិញ ក្លិបរបស់ អង់គ្លេស ទាំងអស់បានដកខ្លួនចេញភ្លាមៗក្រោយចូលរួមបានត្រឹមតែ ២ ទៅ ៣ ថ្ងៃ, ទន្ទឹមនឹងនេះពួកគេត្រូវបានអ្នកគាំទ្រ,​ អ្នកគ្រប់គ្រងជាន់ខ្ពស់ និងអ្នកជំនាញជាច្រើនទៀតបានរិៈគន់យ៉ាងចាស់ដៃ។

ក្រោយពីនោះមកលោក Woodward ដែលជានាយកប្រត្តិបត្តិរបស់ Man UTD បានចេញមុខសូមទោសជាសាធារណៈ ហើយលោកក៏បានប្រកាសថានឹងលាលែងចេញពីតំណែងទៀតផង។

យោងតាមការចុះផ្សាយរបស់សារព័ត៌មាន The Athletic បានឱ្យដឹងថា ខ្សែការពារស្លាបសញ្ជាតិ អង់គ្លេស Shaw គឺជាអ្នកដែលបានដឹកនាំមិត្តរួមក្រុម ដើម្បីជំទាស់នូវគម្រោងមួយនេះនៅក្នុងបន្ទប់ផ្លាស់សម្លៀកបំពាក់ ហើយពួកគេបានតវ៉ាយ៉ាងខ្លាំងជាមួយលោក Woodward និង នាយកផ្នែកបាល់ទាត់លោក John Murtough។

ទាក់ទងនឹងរឿងខាងលើពេលនោះ Shaw ធ្លាប់បាននិយាយថា “គាត់ និង មិត្តរួមក្រុមរបស់គាត់បច្ចុប្បន្នគឺត្រូវបានគេចាត់ទុកដូចជាកូនក្មេងអ៊ីចឹង, ឬពេលខ្លះអាចអន់ជាងនេះទៅទៀត”៕

ប្រភព៖ Sportsmole