អីយ៉ាស់ៗ! គ្រូបង្វឹករូបនេះកំពុងចាំ Man United ទាក់ទងទៅជំនួសតំណែង Solskjaer

អ៊ីតាលី៖ លោកគ្រូបង្វឹក Antonio Conte កំពុងចាំទូរស័ព្ទពីក្លិប Manchester United នេះបើយោងតាមការរាយការណ៍របស់អ្នកកាសែតឈ្មោះ Fabio Santini។

អតីតគ្រូបង្វឹករបស់ Inter Milan រូបនេះកំពុងនៅទំនេរចែសដោយមិនទាន់ដឹកនាំក្លិបណានោះទេ ខណៈដែលស្ថានភាពរបស់លោក Ole Gunnar Solskjaer ដែលជាគ្រូបង្វឹកបច្ចុប្បន្នរបស់ Manchester United កំពុងរងការរិះគន់ពីសំណាក់អ្នកគាំទ្រជាខ្លាំង។

Solskjaer បានចាយលុយទិញកីឡាករឆ្នើមៗដូចជា Jadon Sancho,Raphael Varane,Donny Van de Beek ,Harry Maguire និង Cristiano Ronaldo ប៉ុន្តែក្រុមមួយនេះនៅតែមិនទាន់ខ្លាំងសមល្មមអាចប្រជែងយកពានរង្វាន់បានឡើយ។

ដូច្នេះហើយទើប Conte អាចជាជម្រើសដ៏ល្អបំផុតខណៈដែលឥលូវនេះលោកគ្រូសុខចិត្តបដិសេធមិនមកដឹកនាំ Newcastle ក៏ដោយសាររង់ចាំឱកាសដឹកនាំ Manchester United ។

យ៉ាងណាមិញ ក្រៅពីលោកគ្រូ Antonio Conte គឺ លោកគ្រូបង្វឹក Zinedine Zidane ក៏កំពុងស្ថិតក្នុងរ៉ាដារបស់ក្លិបផងដែរ៕

ប្រភព៖ caughtoffside