អឺរ៉ុប៖ Karim Benzema កំពុងធ្វើបានល្អខ្លាំងមែនទែន និងថែមទាំងជាតួអង្គដ៏សំខាន់មួយរូបរបស់ក្រុមអធិរាជស Real Madrid នៅរដូវកាលថ្មីនេះ ដោយប្រធានក្រុមរូបនេះ តែងតែរកគ្រាប់បាល់បានជារឿយៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ទោះជាយ៉ាងណា ខ្សែប្រយុទ្ធរូបនេះ ក៏មានគម្រោងសម្រាប់អនាគត ក្រោយបញ្ចប់អាជីពនៅក្លិបបច្ចុប្បន្នរួចរាល់ផងដែរ ដោយបានបង្ហើបថា កំពុងពិចារណា ក្នុងការផ្លាស់ទៅលេងនៅលីគអាមេរិក MLS ។ ខណៈកុងត្រាជាមួយក្រុមអាធិរាជស នឹងផុតកំណត់នាខែមិថុនា ឆ្នាំ២០២៣ នៅពេលឈានចូលអាយុ៣៥ឆ្នាំ។
ម្ចាស់អាវលេខ៩រូបនេះ បានប្រាប់ ESPN ថា៖
ខ្ញុំជួបរឿងជាច្រើនពីរមួយឆ្នាំទៅមួយឆ្នាំ ដរាបណាខ្ញុំនៅតែមានចំណង់ ភាពរីករាយ ហើយខ្ញុំចូលចិត្តបាល់ទាត់ ពេលនោះខ្ញុំនឹងបន្ដទៀត។ ខ្ញុំមិនខ្វល់ពីអាយុនោះទេ វាអាស្រ័យថាតើខ្ញុំមានអារម្មណ៍បែបណា ខ្ញុំនឹងមិនបង្ខំខ្លួនឯងនោះទេ ខ្ញុំមានអារម្មណ៍កាន់តែល្អទៅៗ ដោយបន្ដការលេង។ ខ្ញុំចូលចិត្ត សហរដ្ឋអាមេរិក បាល់ទាត់នៅទីនោះមានភាពប្រសើរ៕
ប្រភព៖ marca
Bong I.T