អឺរ៉ុប៖ តារាឆ្នើមរបស់ក្រុម Atletico Madrid កីឡាករ Joao Felix បានផ្ញើសាព្រមានមួយទៅកាន់ក្រុមហង្សក្រហម Liverpool ថារូបគេ និងមិត្ដរួមក្រុមបានត្រៀមខ្លួនរួចរាល់ហើយ សម្រាប់ការប្រកួតយប់នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ក្រុម Atletico Madrid មានកំណត់ត្រាដ៏គួរឲ្យចាប់អារម្មណ៍ ចំពោះការប្រកួតទល់នឹង Liverpool ដោយក្នុងចំណោមការជួបគ្នា៣លើកចុងក្រោយ បានយកឈ្នះទាំងអស់។ ហេតុដូច្នេះ វាគឺជាទំនុកចិត្ដមួយបន្ថែមទៀត មុនការប្រកួតវគ្គជម្រុះតាមពូល នៃពានរង្វាន់ Champions League ទល់នឹងក្រុមលោក Jorgen Klopp នារាត្រីនេះ។
ទន្ទឹមនឹងនេះ Felix ក៏បានដឹងច្បាស់អំពីកំណត់ដ៏អស្ចារ្យរបស់ Liverpool គឺមិនទាន់ចាញ់នៅរដូវវកាលនេះ និងបានលើកឡើងនូវកីឡាករគ្រោះថ្នាក់របស់ក្រុមនេះផងដែរ។ រូបគេបាននិយាយ នៅក្នុងសន្និសីទសារព័ត៌មានថា៖
យើងរង់ចាំក្រុមខ្លាំង។ អ្នករាល់គ្នាបានដឹងហើយថា នោះគឺ Liverpool គឺជាក្រុមដ៏ខ្លាំង ជាពិសេសនៅតំបន់ប្រយុទ្ធតែម្ដង។ Mo Salah ,Sadio Mane និង Jota សុទ្ធសឹងជាកីឡាករមានគ្រោះថ្នាក់ ក្រុម Liverpool មានកីឡាករគ្រោះថ្នាក់ជាច្រើន ហើយវានឹងក្លាយជាការប្រកួតដ៏លំបាកមួយ ប៉ុន្ដែយើងបានត្រៀមខ្លួនរួចជាស្រេច សម្រាប់ពួកគេ ហើយយើងនឹងធ្វើអ្វីគ្រប់យ៉ាងដើម្បីទទួលបានជ័យជម្នះ៕
ប្រភព៖ football-espana
Bong I.T