ឥណ្ឌា៖ ថ្មីៗនេះ លោកយាយម្នាក់ឈ្មោះថា Jivunben Rabari អាយុ៧០ឆ្នាំ និងមកពីប្រទេសឥណ្ឌា សម្រាលបានកូនប្រុសម្នាក់ ដែលជាកូនដំបូង ហើយគាត់បានក្លាយទៅជាអ្នកម្ដាយម្នាក់ក្នុងចំណោយអ្នកម្ដាយដទៃទៀត ដែលមានវ័យចំណាស់បំផុតក្នុងពិភពលោក ដោយករណីមុន មានស្ត្រីអាយុ៧៤ឆ្នាំម្នាក់មកពីប្រទេសឥណ្ឌាដូចគ្នា សម្រាលបានកូនភ្លោះមួយគូផងដែរកាលពីខែកញ្ញា ឆ្នាំ២០១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹង លោកយាយ និងប្ដីរបស់គាត់អាយុ៧៥ឆ្នាំ បានរៀបការ និងរួមរស់ជាមួយគ្នាអស់រយៈពេល៤៥ឆ្នាំហើយ ប៉ុន្ដែមិនអាចមានកូនសោះឡើយ បើទោះបីជាខំព្យាយាមយ៉ាងណាក៏ដោយ។ តួយ៉ាង ដោយមិនបោះបង់ចោលក្ដីសង្ឃឹម ពួកគាត់ទាំងពីរ បានសុំការជួយពីខាងវេជ្ជបណ្ឌិត ដែលវេជ្ជបណ្ឌិតប្រាប់ថា ឱកាសនៃការមានកូនតាមធម្មជាតិសម្រាប់ស្ត្រីអាយុ៧០ឆ្នាំ គឺស្ទើរតែសូន្យភាគរយ ដោយសារតែស្ត្រីភាគច្រើនឆ្លងកាត់ការអស់ប្រចាំខែនៅចន្លោះចុងអាយុ៤០ឆ្នាំ ឬដើមអាយុ៥០ឆ្នាំ។ ដូច្នេះ មានតែវិធីមួយគត់ គឺចាក់បញ្ជូលមេជីវិត ឬហៅថា IVF តាមបែបវេជ្ជសាស្ត្រ ដែលអាចធ្វើឲ្យគាត់មានកូនបានផងដែរ។
យ៉ាងណាមិញ វិធីនេះពិតជាទទួលបានជោគជ័យមែន ដែលធ្វើឲ្យលោកយាយ និងប្ដីសប្បាយរីករាយជាខ្លាំង ដែលឥឡូវនេះ កូនប្រុសរបស់គាត់កើតមក ដោយមានសុខភាពល្អ ហើយគាត់ក៏មិនមានបញ្ហាសុខភាពអ្វីឡើយ៕
ប្រភព: Daily Mail
សូមទស្សនារូបភាពខាងក្រោម៖