មិនសមសោះ! Silva ថាម្នាក់នេះសមគួរនឹងត្រូវរាប់បញ្ចូលក្នុងបញ្ជីបេក្ខភាពកីឡាករប្រជែងយកពាន Ballon d'Or

អង់គ្លេស៖ ខ្សែការពារ Thiago Silva នៃក្លិបតោខៀវ Chelsea បានបង្ហាញការគាំទ្រថា មិត្តរួមក្រុមគឺ អ្នកចាំទី Edouard Mendy គួរតែត្រូវក្លាយជាបេក្ខភាពមួយក្នុងចំណោមបេក្ខភាពកីឡាករទាំង៣០នាក់ដែលអាចឈ្នះពានបាល់មាស ballon d'Or នៅឆ្នាំនេះ។

Mendy បានបង្ហាញទម្រង់លេងដ៏ល្អម្ដងទៀតហើយក្នុងការប្រកួតទល់នឹង Brentford កាលពីថ្ងៃសៅរ៍ទី១៦ខែតុលាកន្លងទៅ ដោយបានបិទសំណាញ់ទីមិនឲ្យគូប្រកួតស៊ុតចូលខណៈ Ben Chilwell រកបាន១គ្រាប់ជួយឲ្យ Chelsea ឈ្នះ ១ ទល់នឹង០។

នេះជាការប្រកួតទី២០ក្នុងការបង្ហាញសរុបទាំងអស់៣៨ប្រកួតដែល អ្នកចាំទីសញ្ជាតិសេនេកាល់រូបនេះបានរក្សាមិនឲ្យគូប្រកួតស៊ុតបញ្ចូលទីបាន ដែលជាកំណត់ត្រាមួយដ៏ល្អតែគេបែរជាមិនមានឈ្មោះឈ្នះពាន Ballon d'Or ទៅវិញ។

Silva ដែលជាមិត្តរួមក្រុមក៏បានបង្ហោះសារមួយអមជាមួយរូបភាពរបស់ Mendy ក្នុងបណ្ដាញសង្គម Instagram ដើម្បីបង្ហាញអារម្មណ៍មិនពេញចិត្តនឹងការសម្រេចនេះថា៖

ប្រភព៖ metro