ភ្នំពេញ៖ យោងតាមរបាយការណ៍បានបង្ហាញថា ក្រុមការងារចាក់វ៉ាក់សាំងរបស់ក្រសួងការពារជាតិ បានចាក់វ៉ាក់សាំងបង្ការជំងឺកូវីដ១៩ ដូសជំរុញ (ដូសទី៣) ជូនប្រជាពលរដ្ឋក្នុងរាជធានីភ្នំពេញបានចំនួន ២១៣,៥៩០នាក់ ក្នុងនោះមានស្ត្រី ១១៣,១៥៨នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះកងយោធពលខេមរភូមិន្ទ និងជានាយកប្រតិបត្តិចាក់វ៉ាក់សាំងក្រសួងការពារជាតិ បានថ្លែងប្រាប់ថា ដំណើរការចាក់វ៉ាក់សាំងដូសជំរុញនេះ ដំណើរការបានល្អប្រសើរទៅតាមគ្រោងទុក មិនមានឧបសគ្គអ្វីច្រើននោះឡើយ។ លោកបានកត់សម្គាល់ឃើញដែរថា ប្រជាពលរដ្ឋបានចូលរួមចាក់វ៉ាក់សាំងដូសជំរុញនេះយ៉ាងសស្រាក់សស្រាំ។
សូមជម្រាបថា ក្រុមការងារ ចាប់ផ្តើមចាក់វ៉ាក់សាំងដូសជំរុញ ជូនប្រជាពលរដ្ឋក្នុងរាជធានីភ្នំពេញ កាលពីថ្ងៃទី១១ ខែតុលា កន្លងទៅ ដោយមាន៦ខណ្ឌ ក្នុងនោះរួមមាន៖ ខណ្ឌមានជ័យ, ដង្កោ, កំបូល, ពោធិ៍សែនជ័យ, ឫស្សីកែវ, ទួលគោក និងខណ្ឌសែនសុខ ចំនួន ១សង្កាត់ផងដែរ៕
Bong I.T